کراچی: انسداد دہشت گردی کی عدالت نے ایم کیو ایم کے تین کارکنان پر سانحہ 12 مئی سمیت تین مقدمات میں فردِ جرم عائد کردی۔
تفصیلات کے مطابق انسداددہشت گردی کراچی کی عدالت میں سانحہ12مئی سمیت دیگرمقدمات کی سماعت ہوئی جس میں عدالت نےایم کیوایم کے 3 ملزمان رئیس مما، عمیر عرف جیلر، مرزا نصیب عرف رضوان چپاتی پر فرد جرم عائد کی۔
ملزمان نے صحت جرم سے انکار کیا جس پر عدالت نے گواہان کو ایک بار پھر طلب کرلیا، ملزمان کی درخواست پر عدالت نے مقدمات کو اے کلاس قرار دے کر بند کردیا تھا البتہ انہیں ایک بار پھر کھولا گیا۔
سانحہ 12مئی کے4مقدمات میں مئیر کراچی سمیت دیگرپرفردجرم عائد ہوچکی ہے جبکہ وسیم اختر سمیت دیگر 21 ملزمان نے ضمانت حاصل کی ہوئی ہے، ملزمان کےخلاف ائیرپورٹ سمیت دیگرتھانوں میں مقدمات درج ہیں۔ یاد رہے کہ سانحہ 12 مئی کو 12 سال سے زائد کا عرصہ بیت چکا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں