کراچی: اے ٹی سی نے سابق ایس ایس پی عمران قریشی، ڈی ایس پی عمیر طارق سمیت 8 اہلکاروں کے وارنٹ جاری کر دیے۔
تفصیلات کے مطابق سابق ایس ایس پی، ڈی ایس پی سمیت دیگر اہل کاروں پر ڈکیتی اور اغوا برائے تاوان کے الزام میں شہری منصور شیخ نے انسداد دہشت گردی عدالت میں درخواست دائر کر دی ہے۔
وکیل نے عدالت کو بتایا کہ مذکورہ پولیس افسران نے شہری منصور شیخ کو اغوا کر کے نجی جگہ پر رکھا تھا، پولیس افسران و اہلکار اغوا کے ساتھ گھر سے قیمتی سامان بھی لوٹ کر لے گئے، وکیل کا کہنا تھا کہ کراچی پولیس افسران نے محمد منصور شیخ کے گھر والوں سے تاوان بھی مانگا تھا۔
عدالت نے درخواست پر سماعت کرتے ہوئے ملزمان کے 2 لاکھ روپے فی کس کے عوض قابل ضمانت وارنٹ گرفتاری جاری کر دیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں