site
stats
پاکستان

سوشل میڈیا پرنفرت آمیز پھیلانے کے جرم میں 13 سال کی سزا

لاہور: انسدادِ دہشت گردی کی عدالت نے سماجی رابطے کی ویب سائٹ فیس بک پرمبینہ طورپر نفرت آمیز مواد شیئرکرنے کے جرم میں ایک شخص کو تیرہ سال کی سزا سنادی گئی۔

تفصیلات کے مطابق 25 سالہ رضوان حیدرکوانسدادِ دہشت گردی کی عدالت نے مذہبی منافرت پھیلانے سمیت 3 مختلف الزامات میں 13 سال کی سزا سنادی۔ اس پر الزام ہے کہ اس نے حضوراکرم ﷺ کے حوالے سے پوسٹ کی تھی۔

سرکاری وکیل کے مطابق رضوان کے خلاف مسلمانوں کے جذبات مجروح کرنے کے الزام میں مقدمہ جنوری میں قائم کیا گیا تھا۔

رضوان کو عدالت نے 13 سال کی سزا سنائی گئی ہےاورڈھائی لاکھ روپے جرمانہ بھی عائد کیا گیا ہے تاہم اسے اپیل کرنے کا حق ہے۔

دوسری جانب رضوان کے وکیل شمیم زیدی کا کہنا ہے کہ ’’اس نے پیج پر پوسٹ شیئر نہیں کی بلکہ صرف پوسٹ کو لائک کیا تھا‘‘۔

واضح رہے کہ انسدادِ دہشت گردی کی عدالت اسی نوعیت کے الزام میں گزشتہ سال نومبر میں بھی ایک شخص کو 13سال کی سزا سناچکی ہے، ان سزاؤں پرپاکستان کے سماجی حلقوں میں شدید تشویش کا اظہار کیا جارہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top