The news is by your side.

Advertisement

پاکستانی گلوکار عاطف اسلم کا بھارت میں کنسرٹ کرنے سے انکار

ممبئی : پاکستانی گلوکار عاطف اسلم نے بھارت میں کنسرٹ کرنے سے انکار کردیا۔

میڈیا رپورٹس کے مطابق عاطف اسلم کو بھارت کے گر گاﺅں میں 27 اگست کو ایک کنسرٹ میں شرکت کرنا تھی تاہم آرگنائزر کی رقم کی عدم ادائیگی پر انہوں نے انکار کردیا ہے۔

ATIF ASLAM POST 1

عاطف اسلم کے آفیشل فیس بک پیج پر بیان جاری کیا گیا تھا ،جس میں کہا گیا تھا کہ آرگنائزر نے مقررہ وقت تک پرفارمنس کی رقم منتقل نہیں کی تھی، فیس بک پوسٹ میں عاطف اسلم کے مداحوں سے درخواست کی گئی ہے کہ وہ ٹکٹیں خریدنے سے پہلے ہوشیار رہیں اور وہ کنسرٹ کے ٹکٹ نہ خریدیں اور مستقبل میں اس کمپنی کے کنسرٹس سے دور رہیں۔

atif

معروف پاکستانی گلوکار عاطف اسلم نے 2004 میں ’’جل‘‘ بینڈ کے ذریعے گلوکاری کے میدان میں قسمت آزمائی اور جلد ہی پاکستان کے ساتھ ساتھ بھارت میں بھی شہرت حاصل کی، عاطف اسلم نے 2005 میں بالی وڈ میں پہلا گانا فلم زہر کے لیے گایا تھا اور انہیں بھارت میں بہت پسند کیا جاتا ہے۔

ATIF ASLAM POST 3

واضح رہے کہ پاکستانی گلوکار دنیا کے بہترین گلوکاروں میں سے ایک ہیں، یہی وجہ ہے کہ بھارت کی فلم انڈسٹری پاکستانی گلوکاروں کے بغیر ادھوری ہے، استاد راحت فتح علی خان، شفقت امانت، عاطف اسلم اور علی ظفر وغیرہ بالی ووڈ نگری میں اپنی آواز کا جادو جگا چکے ہیں۔

Print Friendly, PDF & Email

Comments

comments

یہ بھی پڑھیں