دنیا بھر میں مقبول پاکستانی گلوکار عاطف اسلم نے کنسرٹ کے دوران نوٹ پھینکنے والے کو بہترین نصیحت کردی۔
معروف گلوکار عاطف اسلم ان دنوں امریکہ میں موجود ہیں، جہاں وہ اپنے پرستاروں کو اپنی سریلی آواز سے محظوظ کررہے ہیں۔
ایسے میں ایک ویڈیو سوشل میڈیا پر گردش کررہی ہے، جس میں دیکھا جاسکتا ہے کہ کنسرٹ کے دوران ایک شخص عاطف اسلم کی جانب نوٹ پھینکتا ہے جس پر وہ کنسرٹ روک دیتے ہیں۔
@itsaadee paused his show because a fan threw money on stage. His advice: Don’t disrespect money , think about donating it. #atifaslam #usatour #aadeez #donate #respect #money pic.twitter.com/b9cRvv3MXb
— Habib ul Hassan/حبیب الحسن (@vjournalistpak) October 24, 2023
عاطف اسلم نے اس موقع پر غصہ کرنے کے بجائے اپنے چاہنے والوں سے کہا کہ وہ اپنے پیسے آکر سمیٹ لیں اور انہیں کسی اچھی جگہ پر عطیہ کردیں۔
پاکستانی گلوکار نے کہا کہ مجھے علم ہے کہ آپ امیر ہیں لیکن پیسے کو اچھے مقاصد کیلئے استعمال کیا جاسکتا ہے اور اس کی عزت کرنی چاہئے۔ عاطف اسلم کے اس عمل کو سوشل میڈیا صارفین کی جانب سے پسند کیا جارہا ہے۔
