The news is by your side.

Advertisement

خیبر پختوخوا میں دوبارہ سرمایہ کاری کی فضا قائم ہورہی ہے، عاطف خان

پشاور میں نئی گاڑیوں کی لانچنگ صوبے میں امن امان کی صورتحال پر سرمایہ کاروں کی تسلی کا واضح ثبوت ہے، سینئروزیر

پشاور : خیبر پختوخوا میں دوبارہ سرمایہ کاری کی فضا قائم ہورہی ہے، دہشت گردی کی وجہ سے کچھ عرصہ قبل سرمایہ کار صوبے سے بھاگنے پر مجبور تھے لیکن اب اللہ تعالی کے فضل کرم سے سرمایہ کار واپس صوبے کا رخ کررہے ہیں۔

ان خیالات کا اظہار سینئر وزیر برائے سیاحت،کھیل و امور نوجوانان عاطف خان نے پشاور میں ماسٹرز موٹرز کے زیر انتظام پشاور میں نئی گاڑیوں کی لانچنگ تقریب سے بطور مہمان خصوصی خطاب کرتے ہوئے کیا۔

تقریب میں ایم پی اے ظاہر شاہ طورو اور ارباب جہانداد نے بھی شرکت کی۔ سینئر وزیر نے کہا کہ پشاور میں نئی گاڑیوں کی لانچنگ صوبے میں امن امان کی صورتحال پر سرمایہ کاروں کی تسلی کا واضح ثبوت ہے۔

انہوں نے کہا کہ خیبرپختونخوا میں سرمایہ کاروں کو خوش آمدید کہتے ہیں، حکومت سرمایہ کاروں کو ساز گار ماحول فراہم کررہی ہے۔ آٹو موبیل کے شعبے میں سرمایہ کاری سے لوگوں کو روزگار کے مواقع میسر آئیں گے۔

سینئر وزیر نے مزید بتایا کہ موجود حکومت سرمایہ کاروں کو سیکورٹی سمیت ہر قسم کی سہولیات فراہم کررہی ہے کیونکہ سرمایہ کاری کے ذریعے ہی ملک ترقی کی راہ پر گامزن ہوسکتی ہے۔

Comments

comments

یہ بھی پڑھیں