site
stats
انٹرٹینمںٹ

عاطف اسلم کا جنید جمشید کو خراج عقیدت

لاہور: معروف گلوکار عاطف اسلم نے اپنے حالیہ کنسرٹ میں جنید جمشید کو خراج عقیدت پیش کرنے کے لیے اُن کا گایا ہوا گانا گنگنایا جس پرعوام نہ صرف غمزدہ ہوئے بلکہ گانے میں اُن کا ساتھ بھی دیا۔

تفصیلات کے مطابق پی آئی اے پی کے 661 کے حادثے میں جاں بحق ہونے والے معروف گلوکار و مبلغ آج بھی عوام کے دلوں میں زندہ ہیں، جنید جمشید کے ہم سے بچھڑنے سے نہ صرف اُن کے گھر والے غمزدہ ہیں بلکہ مداح بھی اُن کی کمی محسوس کررہے ہیں۔


پڑھیں: ’’ جنید جمشید کی جدائی پر بھارتی شاعر کی اثر انگیز نظم ‘‘


دل دل پاکستان سے مشہور ہونے والے گلوکار جنید جمشید نے 2002 میں موسیقی کی دنیا کو خیرباد کہتے ہوئے دعوت و تبلیغ کے کام سے وابستہ ہوئے تاہم 2004 میں انہوں نے شوبز دنیا کو مکمل خیرباد کہہ دیا تھا۔


مزید پڑھیں: ’’ جنید جمشید کا سفر زندگی ‘‘


شوبززندگی ہو یا پھر اسلامی زندگی جنید جمشید نے دونوں ہی زندگیوں میں خوب اور عزت کمائی یہی وجہ ہے کہ آج ان کی جدائی کے بعد بھی ہر شخص انہیں اچھے الفاظ میں یاد کرتا نظر آتا ہے۔

گزشتہ روز پاکستان کے معروف پاپ سنگر عاطف اسلم نے لاہور کے ایک کنسرٹ میں جنید جمشید کا ’’اعتبار بھی آ ہی جائے گا‘‘ اپنے مخصوص انداز میں گا یا جسے سُن کر کنسرٹ میں موجود لوگ نہ صرف خوش ہوئے بلکہ یہ گانا ساتھ گنگنانے بھی لگے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top