لاہور: ملزمان اے ٹی ایم میں ایلفی ڈال کر واردات کرنے لگے، صارفین کو دھوکا دینے کےلیے جرائم پیشہ عناصر نے نیا طریقہ اختیار کرلیا۔
تفصیلات کے مطابق صدر ڈویژن کے 3 تھانوں کی حدود میں اے ٹی ایم میں ایلفی ڈال کر واردات کرنے کا واقعہ پیش آیا ہے، نامعلوم شخص کی بینک کے اے ٹی ایم میں ایلفی ڈالنے کی کلوز سرکٹ فوٹیج سامنے آگئی ہے۔
فوٹیج میں ملزم کو اے ٹی ایم میں ایلفی ڈال کر صارفین کو دھوکا دیتے دیکھا جاسکتا ہے، ملزم ایلفی ڈالنے کے کچھ دیر بعد دوبارہ آکر صارفین سے پن کوڈ لیتا ہے۔
یہ بھی پڑھیں: اے ٹی ایم کارڈ کے بغیر پیسے کیسے نکال سکتے ہیں؟
پن کوڈ حاصل کرکے ملزم صارف کے اکاؤنٹ سے رقم نکال لیتا ہے، پولیس نے بتایا کہ نامعلوم نوسرباز کیخلاف مقدمہ درج کرلیا گیا ہے۔
اے ٹی ایم میں ایلفی ڈال کر دھوکے سے رقم نکالنے والے ملزم کی پکڑنے کےلیے پولیس مستعد ہوگئی ہے، اس کی گرفتاری کی کوشش جاری ہے۔
اے ٹی ایم مشین توڑ کر پیسے نکالنے کی کوشش کرنیوالا ملزم گرفتار
اے آر وائی نیوز کی ڈیجیٹل ڈیسک کی جانب سے شائع کی گئی خبریں