The news is by your side.

Advertisement

اے ٹی ایم فراڈ کرنے والے چینی ملزمان ریمانڈ پرایف آئی اے کے حوالے

کراچی : مقامی عدالت نے اے ٹی ایم کے ذریعے ڈیٹا چرا کر پیسے ہتھیانے والے چھ چینی فراڈیوں کو اٹھارہ جنوری تک جسمانی ریمانڈ پر ایف آئی اے کی تحویل میں دے دیا،عدالت نے ہدایت کی کہ آِئندہ سماعت پر ملزمان کو چینی مترجم کے ساتھ پیش کیا جائے۔

تفصیلات کے مطابق گزشتہ چند دنوں میں سینکڑوں پاکستانیوں کو لاکھوں روپے کا چونا لگا نے والے چینی باشندے آخر کار قانون کی گرفت میں آہی گئے، اے ٹی ایم کے ذریعے پاکستانیوں کی جمع پونجی لوٹے جانے کا انکشاف ہوا تو ایف آئی اے سائبر کرائم حرکت میں آیا اور شہر بھر میں کارروائی کرتے ہوئے چھ ملزمان کو گرفتار کرلیا گیا۔

گرفتار ملزمان کو عدالت میں پیش کیا گیا، سماعت کے بعد عدالت نے مذکورہ ملزمان کو جسمانی ریمانڈ پر ایف آئی اے کے حوالے کر دیا ہے۔

عدالت نے حکم دیا کہ آئندہ سماعت پر ملزمان کو مترجم کے ساتھ ساتھ پیش کیا جائے، میڈیا سے گفتگو کرتے ہوئے تفتیشی افسر کا دعویٰ ہے جلد مزید کامیابی حاصل کریں گے۔

سماعت کے دوران عدالت کو بتایا گیا کہ اب تک پانچ بینکوں کے اے ٹی ایم مشینوں سے ملزمان پاکستانیوں کے لاکھوں روپے لوٹ چکے ہیں۔


مزید پڑھیں: کراچی، اے ٹی ایم سے رقم چوری کرنے والے دو چینی باشندے گرفتار


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Comments

comments

یہ بھی پڑھیں