The news is by your side.

Advertisement

کراچی : اے ٹی ایم سے رقم چوری کرنے والے دو چینی باشندے گرفتار

کراچی : اے ٹی ایمز سے شہریوں کے پیسے نکالنے والے دو چینی باشندے پکڑے گئے، ملزمان کے قبضے سے ڈیوائس اور کچھ کارڈز بھی برآمد ہوئے ہیں۔

تفصیلات کے مطابق صدر کراچی کے علاقے عبداللہ ہارون روڈ زینب مارکیٹ کے سامنے نجی بینک میں قائم اے ٹی ایم میں اسکمنگ مشین لگانے والے دو چینی باشندوں کو تھانہ آرٹلری میدان پولیس نے رنگے ہاتھوں گرفتار کرلیا۔

ملزمان کے قبضے سے ڈیوائس اور کچھ اے ٹی ایم کارڈز بھی برآمد ہوئے ہیں، پولیس نے بتایا ہے کہ ڈیوائس میں آڈیو اور ویڈیو ریکارڈنگ چپ اور کئی شہریوں کا ڈیٹا بھی ڈیوائس میں موجود ہے۔

گرفتاری کے وقت شہریوں کارش لگ گیا، پولیس نے گلابی انگلش میں چینی باشندوں پر خوب رعب بھی جھاڑا، ایس پی صدر نے میڈیا سے گفتگو میں بتایا کہ ملزمان نے تین روز پہلے اے ٹی ایم میں ڈیوائس لگائی تھی اور آج ملزمان ممکنہ طور پر ڈیوائس نکالنے آئے تھے۔

پولیس افسر نے بتایا کہ ڈیوائس میں آڈیو اور ویڈیو ریکاڈنگ چپ اور کئی شہریوں کا ڈیٹا بھی ڈیوائس میں موجود تھا۔ ملزمان سے کارڈ بھی برآمد ہوئے ہیں۔

ان کا مزید کہنا تھا کہ ملزمان کو چینی زبان کے علاوہ کوئی زبان نہیں آتی تحقیقات کے لئے ترجمان کو بلایا گیا ہے۔


مزید پڑھیں: ہیکرز نے اے ٹی ایم صارفین کے لاکھوں روپے لوٹ لیے، 600

اکاؤنٹس خالی


واضح رہے کہ اس سے قبل بھی کراچی کے ایک شاپنگ سینٹر میں قائم اے ٹی ایم میں ایک چینی باشندے کی اسکمنگ مشین لگاتے ہوئے خفیہ کیمرے کی ویڈیو بھی سامنے آئی تھی۔

Print Friendly, PDF & Email

Comments

comments

یہ بھی پڑھیں