The news is by your side.

اے ٹی ایم سے چوری کرنے والےگروہ کے 3 کارندے گرفتار، اہم انکشافات

نئی دہلی : پولیس نے اے ٹی ایم سے رقم چوری کرنے والے گروہ کے تین کارندوں کو گرفتار کرلیا، ملزمان کے قبضے سے مختلف بینکوں کے چودہ اے ٹی ایم کارڈز برآمد کرلیے گئے۔

بھارتی ریاست اترپردیش کے ضلع پرتاپ گڑھ میں پولیس نے خفیہ اطلاع پر مقامی بینک کے ایک اے ٹی ایم سے رقم چوری کرنے والے تین ملزمان کو گرفتار کرلیا۔

بھارتی میڈیا کے مطابق ملزمان کا تعلق جرائم پیشہ گروہ سے ہے، پولیس کا کہنا ہے کہ ملزمان کے قبضے سے مختلف بینکوں کے چودہ اے ٹی ایم کارڈز برآمد کیے گئے ہیں۔

ابتدائی تحقیقات میں ملزمان نے انکشاف کیا کہ وہ سیدھے سادے لوگوں کو جھانسہ دے کر ان کا اے ٹی ایم کارڈ نمبر اور پاس ورڈ معلوم کر ان کے اکاؤنٹ سے پیسہ نکال لیتے ہیں۔

خبر کے مطابق پولیس نے تینوں ملزمان کے خلاف سنگین دفعات کے تحت مقدمہ درج کرکے عدالت میں پیش کیا جہاں سے ان کو مقامی جیل روانہ کردیا۔

Comments

یہ بھی پڑھیں