اسلام آباد: وفاقی وزیراطلاعات عطاتارڑ نے جمائمہ گولڈ اسمتھ کو جواب دیتے ہوئے کہا بانی کے بچے نائیکوپ پر پاکستان آسکتے ہیں، انہیں پاکستانی ویزے کی ضرورت نہیں۔
تفصیلات کے مطابق وفاقی وزیر اطلاعات عطا تارڑ نے جمائمہ گولڈ اسمتھ کی جانب سے بیٹوں کے ویزوں میں تاخیر کے حوالے سے کیے گئے ٹویٹ پر ردعمل دیتے ہوئے واضح کیا ہے کہ ماضی کی طرح اس عید پر بھی بانی پی ٹی آئی کی ان کے بچوں سے فون پر بات کروائی جائے گی۔
سماجی رابطے کی ویب سائٹ ‘ایکس’ پر جواب دیتے ہوئے عطا تارڑ کا کہنا تھا کہ بانی پی ٹی آئی کے صاحبزادے ‘نائیکوپ’ پر پاکستان آ سکتے ہیں اور انہیں یہاں آنے کے لیے پاکستانی ویزے کی ضرورت نہیں ہے۔
انہوں نے مزید کہا کہ پاکستان میں قیام کے دوران بانی کے بچوں کو ملکی قوانین کی پاسداری کرنا ہوگی۔
یاد رہے کہ اس سے قبل جمائمہ گولڈ اسمتھ نے ایک ٹویٹ میں اپنے بیٹوں کی پاکستان آمد کے لیے ویزا درخواستوں میں تاخیر کا شکوہ کیا تھا، جس پر وفاقی وزیر نے وضاحتی بیان جاری کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں