لاہور میں اسپتالوں اور اسکولوں‌ پر حملے کا خدشہ threat alert in Lahore
The news is by your side.

Advertisement

لاہور میں اسپتالوں اور اسکولوں‌ پر حملے کا خدشہ

لاہور: سیکیورٹی اداروں نے اسپتالوں اور اسکولوں پر حملے کا خدشہ ظاہر کردیا اور سیکیورٹی سخت کرنے کی سفارش کردی۔

اے آر وائی نیوز کے نمائندہ لاہور حسن حفیظ نے بتایا کہ نیکٹا(نیشنل کاؤنٹر ٹیرر ازم اتھارٹی) نے چیف سیکریٹری پنجاب کو ایک خط ارسال کیا ہے جس میں کہا گیا ہے کہ دہشت گرد تعلیمی اداروں اور اسپتالوں کو بڑے پیمانے پر نشانہ بناسکتے ہیں۔


لیٹر میں لکھا گیا ہے کہ اسکولوں کو معمول کی جو سیکیورٹی دی گئی تھی اس میں اضافہ کردیا جائے، جو اسپتالوں کے داخلے راستے ہیں وہاں بھی سیکیورٹی میں اضافہ کردیا جائے تاکہ کسی بھی ناخوشگوار واقعے سے بچا جاسکے۔

یہ پڑھیں: لاہور پر حملے کا خدشہ: افغانستان سے دو خودکش بمبار پہنچ گئے

واضح رہے کہ جنوری میں بھی سیکیورٹی اداروں نے لاہور پر حملے کا خدشہ ظاہر کرتے ہوئے کہا تھا کہ افغانستان سے دو کم سن خود کش بمبار لاہور پہنچ گئے ہیں اور ان کی جانب سے سرکاری عمارتوں اور اسکولوں کو نشانہ بنائے جانے کا خدشہ ہے۔

یہ بھی پڑھیں: لاہورسے خود کش بمبارساتھی سمیت گرفتار، جیکٹ برآمد

بعدازاں چند دن بعد سیکیورٹی اداروں نے دونوں خود کش بمباروں کو گرفتار کرنے کا دعویٰ کیا جو کہ افغانستان سے لاہور کارروائی کرنے پہینچے تھے، اور اب نیکٹا نے مزید سیکیورٹی الرٹ جاری کیے ہیں۔

Comments

comments

یہ بھی پڑھیں