ریاض: سعودی عرب کے مشرقی صوبے قطیف میں دھماکے کے نتیجے میں ایک پولیس افسر جاں بحق جبکہ تین اہلکار زخمی ہوگئے۔
سعودی وزارتِ داخلہ کے مطابق قطیف کے مشرقی علاقے میں العوامیہ مرکز کے قریب پولیس معمول کے گشت پر تھی کہ اس دوران دہشت گردوں کی جانب سے حملہ کیا گیا جس کے نتیجے میں پولیس افسر سمیت چار اہلکار زخمی ہوئے۔
العربیہ ڈاٹ نیٹ کے مطابق دھماکے نتیجے میں عادل فالح نامی پولیس افسر شدید زخمی ہوئے تھے تاہم وہ جانبر نہ ہوسکے، مسلح افراد کے حملے میں ایک اور افسر بھی زخمی ہوئے جن کی طبیعت خطرے سے باہر ہے۔
پڑھیں: مسجد الحرام میں حملے کا منصوبہ ناکام‘ حملہ آور ہلاک
سعودی وزارتِ داخلہ سے جاری بیان میں کہا گیا ہے کہ اس علاقے سے پہلے بھی سیکیورٹی فورسز پر مسلح افراد کی جانب سے حملے کیے جاچکےہیں،دہشت گرد علاقے میں جاری ترقیاتی کام کو رکوانے چاہتے ہیں۔
Comments
- Advertisement -
