افغان دارالحکومت کابل میں حملہ، پاکستان کی شدید مذمت، پاکستان غم میں شریک
The news is by your side.

Advertisement

افغان دارالحکومت میں دہشت گرد حملہ، پاکستان کی شدید مذمت

اسلام آباد: افغان دارالحکومت کابل میں طالبان کے دہشت گرد حملے کی پاکستان کی جانب سے شدید مذمت کی گئی۔

تفصیلات کے مطابق کابل میں طالبان نے ٹریننگ کیمپ پر حملہ کردیا، واقعے میں 126اہلکار ہلاک اور متعدد زخمی ہوگئے، مرنے والوں میں8اسپیشل کمانڈوز بھی شامل ہیں۔

ترجمان دفتر خارجہ کا کہنا ہے کہ پاکستان افغان میں دہشت گردی کے واقعے کی شدید مذمت کرتا ہے، مبینہ طور پر اس حملے میں 100 سے زائد انسانی جانیں ضائع ہوئیں۔

کابل : افغان طالبان کا ٹریننگ کیمپ پر حملہ،126اہلکاروں کی ہلاکت کی اطلاع، متعدد زخمی

ایسے واقعات امن کی جاری کوششوں کے لیے نقصان دہ ہیں، پاکستان جاں بحق افراد کی مغفرت کے لیے دعا گو ہے، ہم متاثرہ خاندانوں کے غم میں شریک ہیں۔

خیال رہے کہ افغانستان میں طالبان کی پرتشدد کارروائیاں جاری ہیں، گذشتہ روز افغان طالبان نے کابل کے علاقے وردک میں نیشنل ڈائریکٹوریٹ سیکیورٹی (این ڈی ایس ) کیمپ پر اچانک حملہ کردیا جس کے نتیجے میں 126 اہلکار ہلاک ہوگئے۔

واضح رہے کہ واقعے کے بعد ٹریننگ کیمپ کی پوری عمارت زمیں بوس ہوگئی، دھماکے کے بعد دو حملہ آوروں نے اندر گھس کر اہلکاروں پر فائرنگ بھی کی، اس دوران افغان فورسز اور حملہ آوروں کے درمیان تین گھنٹے تک جھڑپ جاری رہی۔

Comments

comments

یہ بھی پڑھیں