مسلم لیگ ن کی مرکزی نائب صدر مریم نواز نے کہا ہے کہ ممبر پنجاب اسمبلی اور نواز شریف کے باوفا ساتھی بلال یاسین پر قاتلانہ حملہ کیا گیا ہے۔
اپنے ٹوئٹر بیان میں انہوں نے لکھا کہ بلال یاسین کے پیٹ اور ٹانگ میں گولیاں لگیں لیکن اللّہ نے بچا لیاہے ڈاکٹرز کا کہنا ہے کہ شدید زخمی ہونے کے باوجود حالت خطرہ سے باہر ہےاللّہ انھیں جلد اور مکمل شفا عطا فرمائے۔ سب سے دعا کی درخواست ہے۔
مسلم لیگ ن کے رہنما بلال یاسین پر فائرنگ
ایم ایس میو اسپتال کا کہنا ہے کہ بلال یاسین کےپیٹ پرلگنےوالی گولیاں خطرناک ثابت ہوسکتی ہیں بلال یاسین کی سرجری شروع کردی گئی ہے ابتدائی طور پر پیٹ سےگولیاں نکالی جائیں گی۔
مسلم لیگ ن کے ممبر پنجاب اسمبلی اور نواز شریف کے باوفا ساتھی بلال یاسین پر قاتلانہ حملہ۔ پیٹ اور ٹانگ میں گولیاں لگیں لیکن اللّہ نے بچا لیا۔ ڈاکٹرز کا کہنا ہے کہ شدید زخمی ہونے کے باوجود حالت خطرہ سے باہر ہے۔اللّہ انھیں جلد اور مکمل شفا عطا فرمائے۔ سب سے دعا کی درخواست ہے 🤲🏼
— Maryam Nawaz Sharif (@MaryamNSharif) December 31, 2021
مسلم لیگ ن کے صدر شہبازشریف کا ایم پی اے بلال یاسین سےفون پر رابطہ ہوا ہے جس میں انہوں نے کہا کہ اللہ کا شکر ادا کرتے ہیں آپ کی زندگی محفوظ رہی۔
شہبازشریف نے بلال یاسین پر فائرنگ کو دہشت گردی قرار دیتے ہوئے مطالبہ کیا ہے کہ مجرموں کو فوری گرفتار کر کے قانون کے مطابق سزا دی جائے۔
