لاہور : چیئرمین تحریک انصاف عمران خان پر دوبارہ حملے کے خدشے کے پیش نظر زمان پارک کے باہر سیکیورٹی مزید سخت کردی گئی۔
تفصیلات کے مطابق تحریک انصاف کے چیئرمین عمران خان کی رہائش گاہ زمان پارک کے باہرمزید سیکیورٹی اقدامات کردیئے گئے۔
گھرکی دیوار کے ساتھ سیکیورٹی کے پیش نظر ریت کے تھیلوں کی دیوار قائم کردی گئی ہے جبکہ سیمنٹ کےبلاکس رکھ کر بھی حفاظتی دیوار بنا دی گئی ہے۔
زمان پارک کے داخلی و خارجی راستوں پر بھی چیک پوسٹ قائم کردی ہے، جہاں نفری تعینات ہیں۔
زمان پارک میں سیکیورٹی کے مزید کیمرے بھی نصب کر دیےگئے اور زمان پارک آنے جانے والوں کاریکارڈ رکھنے کے لیے خصوصی ڈیسک قائم کیا گیا ہے۔
پارٹی کی خواتین رہنماؤں کی آمد کے پیش نظر چیکنگ کیلئے خواتین اہلکار بھی تعنیات ہیں۔
Comments
- Advertisement -