The news is by your side.

Advertisement

لیڈزمیں پاکستانی تماشائیوں پر حملے کرنے والے شائقین پر پابندی عائد کرنے کا فیصلہ

جو بھی شخص ملوث پایا گیا اسے میگا ایونٹ کے باقی کسی بھی میچ کے دوران اسٹیڈیم میں داخل نہیں ہونے دیا جائےگا، حکام

برمنگھم : لیڈز میں پاکستانی تماشائیوں پر حملے کر نے والے شائقین پر پابندی عائد کی جائے گی، گراؤنڈ کے اوپر سے گزرنے والے ایک جہاز سے پاکستان مخالف ایک بینر بھی فضا میں لہرایا گیا، اس کی بھی تحقیقات شروع کردی گئی ہیں۔

میڈیا رپور ٹ کے مطابق لیڈز میں ہفتے کو میچ سے قبل اور آخر میں افغان شائقین کی جانب سے پاکستانی تماشائیوں پر حملے کے حوالے سے یارکشائر پولیس تحقیقات میں کررہی ہے اس میں جو بھی شخص ملوث پایا گیا اسے رواں میگا ایونٹ کے باقی کسی بھی میچ کے دوران اسٹیڈیم میں داخل نہیں ہونے دیا جائےگا۔

اس حوالے سے ٹورنامنٹ ڈائریکٹر اسٹیو ایلورتھی نے کہا کہ یہ بات درست ہے کہ اس میچ کے موقع پر چند واقعات رونما ہوئے تھے، ہم تناؤ کے امکانات سے پہلے ہی آگاہ اور اسی وجہ سے60 اضافی سیکیورٹی اہلکار بھی تعینات کیے تھے۔

اس کے باوجود ایک چھوٹے سے گروپ نے گڑبڑ کرنا چاہی اوروہ اسی مقصد کیلیے ہی وہاں پر آیا تھا، اس حوالے سے یارکشائر پولیس تحقیقات کررہی ہے۔

یاد رہے کہ میچ کے موقع پر گراؤنڈ کے اوپر سے گزرنے والے ایک جہاز سے پاکستان مخالف ایک بینر بھی فضا میں لہرایا گیا، اس کی بھی تحقیقات شروع کردی گئی ہیں۔

اس بارے میں اسٹیو ایلورتھی نے مزید کہا کہ یہ مقامی پولیس کیلئے ایک بہت بڑا ایشو ہے، یہ لیڈز اور بریڈ فورڈ کے درمیان ایئر ٹریفک کا راستہ ہے، ہم پولیس اور ایوی ایشن اتھارٹیز کے ساتھ مل کر کام کررہے ہیں کہ آئندہ اس طرح کے واقعات رونما نہ ہوں۔

ورلڈ کپ کے آغاز میں بارش سے شدید متاثر ہونے کے حوالے سے انھوں نے کہا کہ میں سمجھتا ہوں کہ انگلینڈ کیلئے یہ ایک منفرد چیز تھی۔

مزید پڑھیں: پاکستان بمقابلہ افغانستان، لندن پولیس کی چار افراد کو گرفتار کرنے کی تصدیق

یہاں کرکٹ اسٹیڈیمز میں جدید ترین ڈرینج سسٹم پر لاکھوں پاؤنڈ خرچ کیے گئے ہیں مگر جون جولائی میں غیرمتوقع طور پر اتنی شدید بارشیں ہوئیں جن کی پہلے مثال نہیں ملتی مگر اب ٹورنامنٹ کافی بہتر انداز میں جاری ہے، پہلے4 ٹیمیں ہی آگے بڑھنے کیلئے یقینی دکھائی دے رہی تھیں مگر اب یہ ایونٹ اوپن ہوچکا ہے۔

Comments

یہ بھی پڑھیں