The news is by your side.

Advertisement

سری نگر، پولیس سینٹر پر حملہ، 4 بھارتی اہلکار ہلاک

سرینگر: پولیس کے تربیتی مرکز پر حملے کے نتیجے میں 4 بھارتی سیکیورٹی اہلکار ہلاک اور متعدد زخمی ہو گئے ہیں.

تفصیلات کے مطابق حملہ آوروں نے مقبوضہ کشمیر ضلع پلواما میں واقع پولیس کے ٹریننگ سینٹر پر دھاوا بول دیا جس کے نتیجے میں چار بھارتی اہلکار جان سے ہاتھ دھو بیٹھے جب کہ متعدد زخمی ہیں.

ذرائع کے مطابق زخمی بھارتی اہلکاروں کو طبی امداد کے لیے قریبی اسپتال منتقل کردیا گیا ہے جب کہ ہلاک ہونے والوں کی میتیں لواحقین کے حوالے کی جا رہی ہیں تاہم زخمیوں کی تعداد کا تاحال تعین نہیں کیا جا سکا ہے.

کشمیری میڈیا کے مطابق حملہ آوروں کے دھاوے میں ہلاک ہونے والے بھارتی سیکیورٹی اہلکاروں کی تعداد میں اضافے کا خدشہ ہے جب کہ واقعہ کے فوری بعد قابض بھارتی افواج نے پورے ضلع کا محاصرہ کررکھا ہے اور صبح سے ٹیلی فون و نیٹ سروس معطل کررکھی ہیں.

دوسری جانب بھارتی میڈیا نے دعویٰ کیا ہے کہ پولیس سینٹر میں دھاوا بولنے والے 3 حملہ آوروں کو بھارتی سیکیورٹی اہلکاروں نے مقابلے میں ماردیا ہے.

خیال رہے کہ سال 2017  کے دوران بھارتی افواج نے ظلم اور بربریت کی نئی تاریخ رقم کرتے ہوئے معصوم اور نہتے کشمیریوں پر پلٹ گنوں کا بے دریغ استعمال کیا جس سے نہ صرف یہ کہ کئی قیمتی جانوں کا ضیاع ہوا بلکہ کئی افراد آنکھوں کی نعمت سے بھی محروم ہوئے.

Print Friendly, PDF & Email

Comments

comments

یہ بھی پڑھیں