The news is by your side.

Advertisement

حب چوکی: رینجرز چیک پوسٹ پر فائرنگ اور خود کش دھماکا

کراچی: شہر قائد کے علاقے اور بلوچستان کی حدود حب چوکی کے قریب خود کش حملہ آور نے خود کو دھماکے سے اڑا لیا جس کے نتیجے میں ڈیوٹی پر تعینات اہلکار زخمی ہوگئے۔

نمائندہ اے آر وائی کامل عارف کے مطابق کراچی اور بلوچستان کی سرحد سے ملحقہ علاقے حب چوکی کے قریب واقع رینجرز چیک پوسٹ پر نامعلوم شخص نے فائرنگ کی اور خود کو دھماکے سے اڑانے کی کوشش بھی کی۔

ترجمان رینجرز کی جانب سے جاری ابتدائی اعلامیے کے مطابق اسنیپ چیکنگ کے دوران ڈیوٹی پر تعینات اہلکاروں نے پیدل چلنے والے مشکوک شخص کو روکا جس پر اُس نے فائرنگ شروع کردی، رینجرز اہلکاروں کی جوابی فائرنگ سے دہشت گرد کی خودکش جیکٹ دھماکے سے پھٹ گئی۔

رینجرز ترجمان کے مطابق خودکش حملہ آور ممکنہ طور پر چوکی کو نشانہ بنانا چاہتا تھا جس میں وہ ناکام رہا، دھماکے کے نتیجے میں چند اہلکار زخمی ہوئے جنہیں اسپتال منتقل کردیا گیا اور نفری نے علاقے کو گھیرے میں لے لیا۔ 


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

Comments

comments

یہ بھی پڑھیں