site
stats
پاکستان

کوئٹہ: چرچ پر حملہ مذہبی انتشار کو ہوا دینے کی کوشش ہے، آرمی چیف

راولپنڈی: آرمی چیف آف اسٹاف جنرل قمر جاوید باجوہ کا کہنا ہے کہ کوئٹہ میں چرچ پر حملہ مسیح برادری کی خوشیوں کو تباہ کرنے اور مذہبی انتشار پھیلانے  کو ہوا دینے کی کوشش ہے۔

پاک فوج کے تعلقاتِ عامہ (آئی ایس پی آر) کی جانب سے آرمی چیف کا بیان جاری کیا گیا جس میں اُن کا کہنا تھاکہ کوئٹہ گرجا گھر پر حملہ مذہبی انتشار پھیلانے کی کوشش ہے اور یہ مسیحی برادری کی خوشیوں کو تباہ کرنے کے لیے کیا گیا۔

آرمی چیف کا کہنا تھا کہ سیکیورٹی فورسز کی بروقت کارروائی قابل ستائش ہے، چرچ حملہ مذہبی اختلافات کو ہوا دینے کی کوشش ہے جسے ہم سب کو اپنے اتحاد سے ناکام بنانا ہوگا۔

مزید پڑھیں: کوئٹہ : چرچ میں دھماکہ اور فائرنگ‘ 8 افراد جاں بحق‘ 35 زخمی

واضح رہے کوئٹہ کے زرغون روڈ پر واقع گرجا گھر میں آج صبح دہشت گردی کا واقعہ پیش آیا جس کے نتیجے میں 8 افراد ہلاک جبکہ متعدد زخمی ہوئے۔

وزیرداخلہ بلوچستان کا کہنا تھا کہ زرغون روڈ پر واقع گرجا گھر پر2 دہشت گردوں نے حملہ کیا ، ایک دہشت گرد کو ڈیوٹی پر  تعینات پولیس اہلکار نے  موقع پر فائرنگ کر کے ہلاک کیا جبکہ دوسرا حملہ آور  گرجا گھر میں داخل ہوا اور اُس نے احاطے میں خود کو دھماکے سے اڑایا۔

عینی شاہدین کے مطابق دعائیہ تقریب کے دوران اچانک زور دار دھماکے کی آواز آئی اور پھر فائرنگ شروع ہوگئی تھی، مسلح حملہ آوروں نے کئی افراد کو چاقو مارکر بھی زخمی کیا۔

دھماکے کے بعد سیکورٹی اہلکاروں نے علاقے کوگھیرے میں لے کر آپریشن شروع کردیا جبکہ جائے وقوعہ پر غیر متعلقہ افراد کا داخلہ بند کردیا گیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top