عطا اللہ عیسیٰ خیلوی اسپتال میں داخل -
The news is by your side.

Advertisement

عطا اللہ عیسیٰ خیلوی اسپتال میں داخل

گزشتہ روز طبیعت ناساز ہونے پر اسپتال منتقل کیاگیا

لاہور: فوک گلوکاری کی دنیا میں اپنی علیحدہ شناخت بنانے والے عطا اللہ عیسی خیلوی کو طبیعت ناساز ہونے کے بعد اسپتال منتقل کردیا گیا۔

تفصیلات کے مطابق عطا اللہ عیسی خیلوی کی گزشتہ روز اچانک طبیعت ناساز ہوئی جس کے بعد انہیں سرگودھا کے نجی اسپتال میں داخل کروایا گیا۔

ڈاکٹرز کے مطابق فوک گلوکار کے پتے میں پتھری ہونے کے باعث انہیں شدید درد اٹھا تھا، عطا اللہ عیسی خیلوی کا آپریشن کر کے پتے کو نکالا جائے گا۔

اہل خانہ نے مداحوں اور تمام پاکستانیوں سے جلد صحت یابی کے لیے دعاؤں کی اپیل بھی کی ہے۔

یاد رہے کہ عطا اللہ عیسیٰ خیلوی نے سرائیکی گانوں اور مخصوص انداز کی وجہ سے عوام میں خاصی مقبولیت حاصل کی، گلوکار نے اب تک سب سے زیادہ میوزک البم ریلیز کیے جس کی وجہ سے 1994 میں ان کا نام گنیز بک آف ورلڈ ریکارڈ میں ریکارڈ کیا گیا۔

عطاء اللہ خان عیسیٰ خیلوی کا تعلق میانوالی سے ہے، آپ نے لوک گلوکاری کے ساتھ ساتھ اردو زبان میں بھی گانے گائے جن میں سے ایک قمیص تیری گالی ہے، حکومت پاکستان کی جانب سے آپ کو 1991 میں پرائیڈ آف پرفارمنس کا ایواڈ میں دیا جاچکا ہے۔

گلوکار نے تحریک انصاف کے لیے بھی ’بنے گا نیا پاکستان‘ کے نام سے خصوصی گانا گایا، پی ٹی اآئی کا کوئی بھی جلسہ یا پارٹی میٹنگ ایسی نہیں ہوتی تھی جس میں اس ترانے کو نہ چلایا جائے۔

عطا اللہ عیسی خیلوی کی علالت پر اُن کے مداحوں نے سماجی رابطے کی ویب سائٹ پر جلد صحت یابی کی دعا بھی کی۔

Comments

comments

یہ بھی پڑھیں