اسلام آباد : وفاقی وزیر اطلاعات عطا تارڑ کا کہنا ہے کہ بانی پی ٹی آئی کے حوالے سے نہ کوئی ڈیل ہے نہ کوئی ڈھیل، خبریں بے بنیاد ہیں۔
تفصیلات کے مطابق وفاقی وزیر اطلاعات عطا تارڑ نے سماجی رابطے کی ویب سائٹ ایکس پر بیان میں کہا کہ بانی پاکستان تحریک انصاف (پی ٹی آئی) کے حوالے سے نہ کوئی ڈیل ہے اورنہ ہی کوئی ڈھیل ہے۔
ان کا کہنا تھا کہ بانی پی ٹی آئی کو کسی بھی قسم کی رعایت دینے کا تاثر بالکل غلط اور غیر حقیقی ہے۔
وفاقی وزیر اطلاعات نے مزید کہا کہ بانی پی ٹی آئی عدالتوں سے سزا یافتہ مجرم ہیں اور انہیں رعایت دینے سے متعلق خبریں بے بنیاد ہیں۔
انہوں نے کہا کہ میڈیا اور عوام کو حقائق کی بنیاد پر آگاہ کیا جائے اور جھوٹی خبریں پھیلانے سے گریز کیا جائے
ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں