The news is by your side.

Advertisement

سافٹ ویئر ایکسپورٹ بورڈ کیلئے 6 ارب روپے فنڈ کی منظوری

وفاقی کابینہ نے وزارت آئی ٹی کے ادارے پاکستان سافٹ ویئر ایکسپورٹ بورڈ کیلئے 6 ارب روپے ‏فنڈ کی منظوری دے دی۔

فنڈز کے معاملے پر مشیر خزانہ شوکت ترین، ای سی سی اور کابینہ اقدامات پر وفاقی وزیر آئی ‏ٹی امین الحق نے اظہار تشکر کیا ہے۔

وفاقی وزیر امین الحق کا کہنا ہے کہ اقتصادی رابطہ کمیٹی کے بعد کابینہ سے وزارت آئی ٹی ‏کیلئے فنڈز کی منظوری خوش آئند ہے دو ارب روپے کا فنڈ آئی ٹی برآمدات کے فروغ میں اہم ‏کردار ادا کرے گا۔

انہوں نے کہا کہ نمایاں کارکردگی دکھانے والی کمپنیوں کیلئے نقد انعامات کی مد میں 4 ارب روپے ‏کی منظوری اہم قدم ہے وزارت آئی ٹی کے مطالبات پر فنڈز کی منظوری آئی ٹی برآمدات میں ‏اضافے کی راہ میں اہم سنگ میل ہوگا۔

وفاقی وزیر کا کہنا تھا کہ کہ اس میں کوئی شک نہیں کہ آئی ٹی برآمدات میں ریکارڈ اضافہ ‏ڈیجیٹل پاکستان ویژن کی جانب اہم قدم ہے آئی ٹی واحد شعبہ ہے جہاں باعزت روزگار کے مواقع ‏بے شمار اور آمدنی لامحدود ہے۔

Comments

یہ بھی پڑھیں