جعلی ای میلز کے ذریعے وزارتوں اور ڈویژنز کی معلومات حاصل کرنے کی کوششیں کی جا رہی ہیں جس کا کابینہ ڈویژن نے نوٹس لے لیا۔
اے آر وائی نیوز کو ذرائع سے ملنے والی اطلاعات کے مطابق جعلی ای میلز کے ذریعے وزارتوں اور ڈویژنز کی معلومات حاصل کرنے کی کوششیں کی جا رہی ہیں۔
ذرائع نے بتایا ہے کہ جے ایس کوآرڈ سے جنم لینے والی فیک ای میلز زیر گردش ہیں اور ان جعلی ای میلز کے ساتھ خطرناک پے لوڈز اٹیچ ہیں۔ یہ فیک ای میلز وزارتوں کے نیٹ ورک، سسٹم کی سیکیورٹی کو نقصان پہنچا سکتی ہیں۔
ذرائع کا کہنا ہے کہ اس صورتحال کا کابینہ ڈویژن نے فوری نوٹس لیتے ہوئے تمام وفاقی وزارتوں اور ڈویژنز کو مراسلہ بھجوا دیا ہے جس میں انہیں ایسی جعلی ای میلز موصول ہونے پر محتاط رویہ اپنانے کی سفارش کی گئی ہے۔
ذرائع کے مطابق کابینہ ڈویژن تمام وزارتوں اور ڈویژنز کو اہم معلومات کی درخواست کرنے والی ای میلز کی اسکروٹنی کرنے کی سفارش کی ہے اور موصول ای میل کا ایڈریس، ڈومین کی پیشگی تصدیق کرنے کی تجویز دی ہے۔
ذرائع نے بتایا کہ کابینہ ڈویژنز نے انجان آئی ڈی سے ملنے والی ای میلز کے ساتھ اٹیچ دستاویز نہ کھولنے کی سفارش بھی کی ہے۔
