The news is by your side.

Advertisement

فیس ماسک اور حفاظتی کٹس کی بیرون ملک اسمگلنگ کی کوشش ناکام

لاہور: پاکستان سے بیرون ملک فیس ماسک اور کورونا حفاظتی کٹس کی اسمگلنگ کی کوشش ناکام بنا دی گئی۔

تفصیلات کے مطابق لاہور کے علامہ اقبال انٹرنیشنل ایئرپورٹ پر کسٹم حکام نے بروقت کارروائی کرتے ہوئے لاکھوں روپے مالیت کے فیس ماسک اور کورونا سے حفاظت کا سامان بیرون ملک اسمگل کرنے کی کوشش کو ناکام بنا دیا۔

ایئرپورٹ کے کارگو سےحفاظتی سامان برطانیہ اسمگل کیا جارہا تھا تاہم چیکنگ کے دوران کسٹم نے کارگو سے 1لاکھ 53ہزار 900 فیس ماسک اور 4ہزار950حفاظتی کٹس شامل برآمد کر لیں۔

حکام کا کہنا ہے کہ یہ کنسائنمنٹ رازق انٹرنیشنل اور سید ایسوسی ایٹ کی جانب سے بک کرائی گئی تھی، دونوں پارٹیوں نےفیس ماسک اور میڈیکل کٹس کو کپڑا ظاہر کیا تھا۔

ذرائع کا کہنا ہے کہ کسٹم حکام نے فیس ماسک، حفاظتی کٹس قبضےمیں لے کر مالکان کے خلاف مقدمہ درج کر لیا ہے اور معاملے کی مزید تفتیش جاری ہے۔

واضح رہے کہ کورونا وائرس سے بچاؤ کے لیے پاکستان نے چین سمیت دیگر ممالک سے حفاظتی سامان اور طبی آلات منگوائے ہیں جنہیں ملک بھر کے اسپتالوں میں براہ راست پہنچایا جارہا ہے۔

fb-share-icon0
Tweet 20

Comments

comments

یہ بھی پڑھیں