(8 فروری 2026): اٹک کے علاقے خگوانی میں گیس لیکج کے باعث گھر میں اچانک زوردار دھماکہ ہوا جس کے نتیجے میں نو افراد زخمی ہوگئے۔
ریسکیوکے مطابق دھماکہ اتنا شدید تھا کہ کمرے کی کچی چھت گر گئی، ملبہ کے نیچے دب کر 9 افراد شدید زخمی ہوگئے۔ تمام زخمیوں کو ملبہ سے نکال کر ٹی ایچ کیو اپستال حضرو مںنتقل کردیا گیا۔
اس سے قبل اسلام آباد کے تھانہ شمس کالونی کی حدود میں ایک گھر میں گیس لیکج کے باعث زور دار دھماکا ہوا تھا، جس کے نتیجے میں پانچ افراد زخمی ہو گئے تھے۔ دھماکا اس قدر شدید تھا کہ گھر کی دیواریں اور چھت گر گئیں۔
کیپیٹل ایمرجنسی سروس کے مطابق زخمیوں میں ایک مرد، دو خواتین اور دو بچے شامل تھے، واقعے کے بعد ریسکیو ٹیمیں فوری طور پر موقع پر پہنچ گئیں اور امدادی کارروائیاں شروع کیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں