اٹک سے خوبروخاتون اسمگلرسمیت چارافغان باشندے گرفتار -
The news is by your side.

Advertisement

اٹک سے خوبروخاتون اسمگلرسمیت چارافغان باشندے گرفتار

اٹک : تھانہ سٹی پولیس کی مختلف کاررائیوں کے دوران ایک خاتون اسمگلر جبکہ چار افغان باشندوں کو گرفتار کر لیا گیا۔

تفصیلات کے مطابق تھانہ سٹی پولیس ڈی پی او زاہد نواز کی خصوصی ہدایت پر منشیات فروشوں کی خصوصی مہم کے دوران بین الا قوامی ڈرگ مافیا کی خوبرو لیڈی سلیمہ بی بی سکنہ چارسدہ کو گرفتار کیا گیا.

خاتون اسمگلرکے قبضے سے کروڑوں مالیت کی تین کلو اعلیٰ کوالٹی کی چرس بر آمد ہوئی۔ پولیس نے ملزمہ کے خلاف مقدمہ درج کر کے جوڈیشل ریمانڈ پر ڈسٹرکٹ جیل اٹک بھجوادیا۔

تھانہ سٹی پولیس کی ایک اور کارروائی میں اٹک شہر میں غیر قانونی طو ر پر مقیم دو غیر ملکی افغان خاندانوں جن میں دو مرد اور دوخواتین شامل ہیں کو گرفتار کرکے فارن ایکٹ کے تحت مقدمہ درج کرنے کے بعد ڈسٹرکٹ جیل اٹک بھجوا دیا گیا ہے۔

ملزمان طویل عرصہ سے اٹک میں رہائش پذیر تھے اور ان کے پاس رہائش کے لیے کوئی قانونی دستاویز موجود نہیں تھی۔

Comments

comments

یہ بھی پڑھیں