افغانستان اور جنوبی وزیرستان میں مبینہ خوارجی سرغنوں کی آڈیو سامنے آگئی، جس میں وہ پی ٹی آئی رہنما آصف محسود کو اپنا بندہ قرار دیکر بھتہ لینے سے روکنے کا کہہ رہے ہیں۔
تفصیلات کے مطابق افغانستان اور جنوبی وزیرستان میں موجود فتنہ الخوارج کے دو سرغنوں کی مبینہ آڈیو سامنےآگئی۔
آڈیو میں خوارج پی ٹی آئی رہنما آصف محسودکو اپنا بندہ قرار دیکر بھتہ لینے سے روکنے کا کہہ رہے ہیں۔
مبینہ آڈیو کے مطابق خوراج راکٹی نے پی ٹی آئی ایم پی اے آصف محسود کو بھتے کی پرچی دی اور تلاشی لی، افغانستان میں بیٹھے خوارجی بادشاہ نے فوری مداخلت کی اور ہدایت کی آصف محسود کواغوا نہ کیا جائے۔
لیک آڈیو میں خوارجی بادشاہ نے ہدایت دی آصف محسود کو جانے دیا جائے اور تلاشی پرمعذرت کریں،مبینہ آڈیو افغانستان میں موجود خوارجی بادشاہ اورجنوبی وزیرستان کے راکٹی کی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں