تازہ ترین

آڈیو لیکس کمیشن کیس : سپریم کورٹ نے ججز پر اعتراضات والی حکومتی درخواست واپس کردی

اسلام آباد : سپریم کورٹ نے آڈیو لیکس کمیشن کیس میں ججز پر اعتراضات والی حکومتی درخواست واپس کردی۔

تفصیلات کے مطابق آڈیو لیکس کمیشن کے کیس میں سپریم کورٹ نے ججز پر اعتراضات والی حکومتی درخواست واپس کردی۔

رجسٹرارآفس نے اعتراض عائد کیا کہ جو درخواست کرنی ہووہ کھلی عدالت میں کریں۔

یاد رہےوفاقی حکومت نے آڈیولیکس کمیشن کیس میں بینچ پراعتراضات اٹھاتے ہوئے چیف جسٹس ،جسٹس اعجاز الااحسن، جسٹس منیب اختر کیخلاف درخواست دائر کی تھی۔

جس میں استدعا کی گئی تھی کہ چیف جسٹس عمر عطا بندیال، جسٹس اعجازالااحسن،جسٹس منیب اختر 5 آڈیو لیک کامقدمہ نہ سنیں اور تینوں معزز ججز پانچ رکنی لارجر بینچ میں بیٹھنے سے انکار کردیں۔

وفاقی حکومت نے آڈیو لیک کمیشن کیخلاف درخواستوں پر نیا بینچ تشکیل دینے کی استدعا کرتے ہوئے کہا تھا کہ 26مئی کو سماعت کے دوران چیف جسٹس پر اٹھے اعتراض کوپذیرائی نہیں دی گئی، عدالتی فیصلوں،ججز کوڈ آف کنڈیکٹ کےمطابق جج اپنے رشتےکا مقدمہ نہیں سن سکتا۔

Comments

- Advertisement -