15 اگست کو ہر صورت قومی اسمبلی کا اجلاس طلب کرنا ہے، بیرسٹرعلی ظفر barrister ali zafar
The news is by your side.

Advertisement

15 اگست کو ہر صورت قومی اسمبلی کا اجلاس طلب کرنا ہے، بیرسٹرعلی ظفر

اسلام آباد: نگراں وزیر اطلاعات بیرسٹر علی ظفر نے کہا ہے کہ 13 یا 14 اگست کو قومی اسمبلی کا اجلاس بلایا جاسکتا ہے، 15 اگست کو آئین کے مطابق ہر صورت قومی اسمبلی کا اجلاس طلب کرنا ہے۔

ان خیالات کا اظہار انہوں نے میڈیا سے گفتگو کرتے ہوئے کیا، بیرسٹر علی ظفر نے کہا کہ سب سے پہلے اسپیکر، ڈپٹی اسپیکر اور بعد میں وزیر اعظم کا انتخاب ہوگا، آزاد امیدواروں کو پسند کی جماعت میں شمولیت کا وقت دیں گے۔

نگراں وزیر اطلاعات بیرسٹر علی ظفر نے کہا کہ الیکشن کمیشن کی جانب سے انتخابی نتائج کا اعلان کیا جائے گا، نو منتخب ارکان 10 دن میں انتخابی اخراجات کی تفصیل جمع کرائیں گے۔

بیرسٹر علی ظفر نے کہا کہ پارٹی لسٹ کے مطابق مخصوص نشستیں الاٹ کی جائیں گی، الیکشن کمیشن سے نتائج کے اعلان کے اگلے روز ہی اسمبلی کا اجلاس ہوگا، وزیر اعظم کے حلف اٹھاتے ہی نگراں حکومت سبکدوش ہوجائے گی۔

مزید پڑھیں: انتخابات میں دھاندلی کی بات کرنا ن لیگ کا سیاسی بیان ہے، بیرسٹر علی ظفر

واضح رہے کہ نگراں وزیر اطلاعات بیرسٹر علی ظفر کا کہنا تھا کہ شفاف و غیر جانبدار انتخابات کے لیے جو وعدہ کیا تھا وہ پورا کردیا، انتخابات میں دھاندلی کی بات کرنا مسلم لیگ ن کا سیاسی بیان ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں