نیپیدو : میانمار کی سابق خاتون وزیراعظم آنگ سان سوچی کو عدالت میں پیشی کے موقع پر عام قیدیوں کی طرح لایا گیا۔
تفصیلات کے مطابق میانمار میں فوجی بغاوت کے بعد گرفتار ہونے والی سیاسی رہنما آنگ سان سوچی کی عدالت میں پیشی کے موقع پر جیل کا لباس پہنا کر لایا گیا۔ انہیں جمعہ کے روز ملک کے دارالحکومت نیپیدو کی ایک عدالت میں پیش کیا گیا تھا۔
ایک مقامی میڈیا اِراوادی نے ذرائع کے حوالے سے بتایا ہے کہ انہوں نے سفید قمیض اور کمر کے گرد اسکرٹ نما کپڑا باندھ رکھا تھا جو میانمار میں قیدیوں کا عمومی لباس ہے۔
مقامی میڈیا نے بتایا ہے کہ کیس کی سماعت کے دوران آنگ سان سوچی پرسکون اور بلند حوصلہ رہیں۔ قبل ازیں ترغیب دینے اور دیگر الزامات پر اسی ماہ انہیں چار سال کی قید کی سزا سنائی گئی تھی۔
بعد ازاں اسٹیٹ ایڈمنسٹریشن کونسل کے سربراہ نے بطور معافی انکی سزا نصف کر دی تھی۔ یہ فوج کی تشکیل کردہ اعلیٰ ترین فیصلہ ساز کونسل ہے۔
وہ جیل جانے کی بجائے اُسی جگہ اپنی سزا کاٹیں گی جہاں وہ اِس وقت قید میں ہیں۔ برطرف شدہ عملی قائد کو بد عنوانی سمیت بدستور کم سے کم دس دیگر الزامات پر مقدمات کا سامنا ہے۔
