The news is by your side.

Advertisement

ورلڈکپ 2019:‌ آسٹریلیا نے نیوزی لینڈ کو 86 رنز سے شکست دے دی

لندن: ورلڈکپ کے 37ویں میچ میں  آسٹریلیا نے نیوزی لینڈ کو یک طرفہ مقابلے کے بعد 86 رنز سے باآسانی شکست دے کر فتح اپنے نام کرلی۔

تفصیلات کے مطابق ورلڈکپ کے آج ہونے والے دوسرے جبکہ ایونٹ کا 37واں میچ آسٹریلیا اور نیوزی کی ٹیموں کے درمیان لارڈز کرکٹ اسٹیڈیم میں کھیلا گیا۔

آسٹریلیا اننگز

آسٹریلوی ٹیم کے کپتان فنچ نے ٹاس جیت کر پہلے بیٹنگ کا اعلان کیا۔ کینگروز کا پہلے بیٹنگ کا فیصلہ اچھا ثابت نہ ہوسکا کیونکہ کپتان صرف 15 کے مجموعی اسکور پر پویلین روانہ ہوئے، آسٹریلیا کی دوسری وکٹ 38 کے مجموعی اسکور پر گری، نئے آنے والے بلے باز اسمتھ بھی 46 پر پویلین لوٹ گئے۔

دوسری اینڈ پر عثمان خواجہ نے محتاط انداز سے بیٹنگ کو جاری رکھا اور خود اعتمادی کے ساتھ کیوی باؤلرز کا سامنا کرتے ہوئے مجموعی اسکور بھی آگے بڑھایا، 81 کے مجموعی اسکور پر آسٹریلیا کو ایک اور نقصان کا سامنا کرنا پڑا، 9 رنز اضافے کے بعد پانچویں بلے باز بھی آؤٹ ہوئے۔

عثمان خواجہ اور ایلکس کیری وکٹ پر ڈٹ گئے اس دوران دونوں بلے بازوں نے اپنی ففٹی بھی مکمل کی، دونوں کھلاڑیوں نے 107 رنز کی شراکت داری قائم کی البتہ ولیم سن نے ایلکس کیری کو 71 کے انفرادی اور 199 کے مجموعی اسکور پر پویلین جانے پر مجبور کیا۔

بعد ازاں اننگز کے آخری اوور کی تیسری گیند پر عثمان خواجہ 88 رنز کی اننگز کھیل کر آؤٹ ہوئے، اگلی دو گیندوں پر بولٹ نے دو مزید کھلاڑیوں کو آؤٹ کر کے اپنی ہیٹ ٹرک مکمل کی، عثمان خواجہ 88  رنز بناکر نمایاں بلے باز رہے جبکہ بولٹ نے چار کھلاڑیوں کو آؤٹ کیا جس میں ہیٹ ٹرک بھی شامل ہے۔

نیوزی لینڈ اننگز

نیوزی لینڈ نے 244 رنز ہدف کے تعاقب میں بیٹنگ کا آغاز کیا تو اُن کا پہلا بیٹسمین 29 کے مجموعی اسکور پر پویلین روانہ ہوا، بارہ رنز اضافے کے بعد کیویز کو دوسری نقصان کا سامنا کرنا پڑا، کپتان ولیم سن محتاط انداز سے بیٹنگ کررہے تھے مگر وہ بھی 97 کے مجموعی اسکور پر پویلین لوٹ گئے۔

کیویز کے دو کھلاڑی 118 رنز پر پویلین روانہ ہوئے، یوں 118 پر آدھی ٹیم پویلین لوٹ چکی تھی، بعد ازاں چھٹی وکٹ 125، ساتویں 131، آٹھویں 141، نویں 144 جبکہ آخری بیٹسمین 243 کے مجموعی اسکور پر آؤٹ ہوئے۔

نیوزی لینڈ کے 6کھلاڑی ڈبل فگر میں داخل نہ ہوسکے، کیویز 44ویں اوورز میں 157 رنز بنا سکے، کین ولیمسن نے40 اورراس ٹیلر نے 30رنز بنائے  جبکہ آسٹریلوی باؤلر مچل اسٹارک نے 5،جیسن بینڈ روف 2 وکٹیں لے کر نمایاں رہے۔

Comments

comments

یہ بھی پڑھیں