بھارت کے خلاف ون ڈے اور ٹی ٹوئنٹی سیریز کے لیے آسٹریلیا نے اپنے اسکواڈز کا اعلان کردیا۔
آسٹریلیا کے سلیکشن پینل کی جانب سے ون ڈے سیریز اور پہلے دو ٹی ٹوئنٹی میچز کے لیے اسکواڈز کا اعلان کیا گیا ہے۔ بھارت کی ٹیم دورہ آسٹریلیا میں تین ون ڈے اور 5 ٹی ٹوئنٹی میچز کی سیریز کھیلے گی۔
رپورٹس کے مطابق دونوں ٹیموں کے درمیان ون ڈے میچز 19، 23 اور 25 اکتوبر کو کھیلے جائیں گے جبکہ ٹی ٹوئنٹی میچز 29، 31 اکتوبر، 2، 6 اور 8 نومبر کو ہوں گے۔
مچل اسٹارک، میٹ شارٹ اور مچل اوون کی ون ڈے اسکواڈ میں واپسی ہوئی ہے جبکہ آسٹریلیا کے وائٹ بال اسکواڈز کی قیادت آل راؤنڈر مچل مارش کریں گے۔
جوش انگلس کی معمولی انجری کے بعد ٹی ٹوئنٹی اسکواڈ میں واپسی ہوئی ہے جبکہ میتھیو رینشا کو 2022 کے بعد پہلی مرتبہ ون ڈے اسکواڈ میں شامل کیا گیا ہے۔
محمد عامر کا سرفراز احمد کو پی سی بی میں ذمہ داری ملنے کے امکانات پر ردعمل
مارنو س لبوشین بھی ون ڈے اسکواڈ میں جگہ نہیں بناسکے ہیں جبکہ فاسٹ بولر پیٹ کمنز کمر کی تکلیف کے باعث اور آل راؤنڈر گلین میکسویل بازو میں فریکچر کی وجہ سے دستیاب نہیں ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں