آسٹریلیا نے بھارت کو تیسرے ون ڈے میچ میں 21 رنز سے شکست دے کر سیریز 2-1 سے اپنے نام کرلی۔
چنئی میں کھیلے گئے میچ میں آسٹریلیا نے پہلے بیٹنگ کرتے ہوئے 269 رنز بنائے 270 رنز کے تعاقب میں بھارتی ٹیم 248 رنز پر ڈھیر ہوگئی، ایڈم زمپا کو چار وکٹیں حاصل کرنے پر میچ کا بہترین کھلاڑی قرار دیا گیا۔
ویرات کوہلی کے 54 اور ہاردک پانڈیا کی 40 رنز کی اننگ بھی بھارت کو شکست سے نہ بچاسکی۔
کپتان روہت شرما 30 رنز بنا کر سین ایبٹ کا نشانہ بنے، شبھمن گل کو 37 رنز پر ایڈم زمپا نے پویلین کی راہ دکھائی، سوریا کمار یادیو تیسرے ون ڈے میں بھی بغیر کوئی رن بنائے آؤٹ ہوئے۔
آسٹریلیا کی جانب سے ایڈم زمپا نے چار ایشٹن اگر نے دو وکٹیں حاصل کیں۔
Well played, Australia 🏆 pic.twitter.com/QyWfSPuBDd
— ESPNcricinfo (@ESPNcricinfo) March 22, 2023
پہلی اننگز میں آسٹریلیا نے 269 رنز بنائے تھے، مچل مارش 47 اور الیکس کیری 38 رنز کے ساتھ نمایاں رہے تھے۔
اسٹیو اسمتھ بغیر کوئی رن بنائے آؤٹ ہوئے، ڈیوڈ وارنر نے 23 اور مانوس لبوشین نے 28 رنز کی اننگز کھیلی تھی۔
بھارت کی جانب سے ہاردک پانڈیا اور کلدیپ یادیو نے تین، تین وکٹیں حاصل کیں۔ اکشڑ پٹیل اور محمد سراج دو، دو وکٹیں حاصل کرسکے تھے۔