اسلام آباد: آسٹریلیا کے ہائی کمشنر ڈاکٹر جیف شو نے پاک بحریہ کے سربراہ ایڈمرل ظفر محمود عباسی سے نیول ہیڈکوارٹر میں ملاقات کی۔
پاک بحریہ کی جانب سے جاری اعلامیے کے مطابق دونوں شخصیات کی ملاقات پاکستان نیوی کے ہیڈکوارٹر میں ہوئی جس میں پیشہ وارانہ امور اور باہمی دفاعی اشتراک پر تفصیلی تبادلہ خیال ہوا۔
ایڈمرل ظفر محمود نے خطے میں قیام امن کے سلسلے میں پاک بحریہ کے کردار پر روشنی ڈالی جس پر آسٹریلیا کے ہائی کمشنر نے خطے میں امن و استحکام کو یقینی بنانے میں پاکستانی نیوی کے کردار کی تعریف کی۔
یاد رہے کہ تینوں مسلح افواج کے سربراہان مختلف ممالک کے سفرا سے ملاقاتیں کرتے رہتے ہیں جو معمول کا حصہ ہوتی ہیں، ان ملاقاتوں میں دو طرفہ تعلقات، باہمی امور پر تبادلہ خیال اور تعاون کی پیش کش کی جاتی ہے۔
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں