سڈنی: آسٹریلیا کے سابق لیجنڈ بیٹر اسٹیو وا کے بھائی مارک وا نے ورلڈ ٹی 20 الیون کے لیے پانچ کھلاڑیوں کو منتخب کرلیا ہے۔
سابق آسٹریلوی کھلاڑی مارک وا نے اپنی ورلڈ ٹی 20 الیون میں پہلے نمبر پر بھارت کے جسپریت بھمرا، دوسرے پر شاہین آفریدی کو رکھا ہے جبکہ فہرست میں تیسرے نمبر پر افغانستان کے راشد خان موجود ہیں۔
انہوں نے چوتھے نمبر پرانگلینڈ کے جوز بٹلر اور پانچویں نمبر پر ہم وطن جارح مزاج بیٹر گلین میکسویل کو شامل کیا ہے۔
سابق آسٹریلوی کھلاڑی نے کہا کہ افغان بولر راشد خان دو تین وکٹیں لینے کے ساتھ 20 رنز بھی بناتے ہیں جبکہ جوز بٹلر کو میں ٹی ٹوئنٹی کرکٹ کا نمبر ون بیٹر سمجھتا ہوں جبکہ میکسویل میچ ونر کھلاڑی ہے۔
قومی ٹیم کے نوجوان فاسٹ بولر شاہین آفریدی سے متعلق مارک وا نے کہا کہ ’شاہین آفریدی دائیں ہاتھ کے بیٹر کو ان سوئنگ کرکے پریشان کرتے ہیں اور وہ وکٹ لینے کا ہنر جانتے ہیں ان کی بولنگ میں اسپیڈ بھی ہے۔۔‘
انہوں نے بھارتی بولر جسپریت بمرا کو بھی تینوں فارمیٹ کا شاندار بولر قرار دیا۔