The news is by your side.

Advertisement

برسبین: پاکستان اور آسٹریلیا کل پہلے ٹیسٹ میں مدمقابل

برسبین: پاکستان اور آسٹریلیا کے درمیان تین میچز کی سیریز کا پہلا ٹیسٹ کل سے برسبین میں کھیلا جائے گا، گراؤنڈ کیوریٹر نے بیٹسمینوں کیلئے خطرے کی گھنٹی بجادی ہے۔

نیوزی لینڈ کے بعد ایک اور سخت چیلنج پاکستان کا منتظر ہے، اکیس سال انتظار کے بعد پاکستان جمود توڑنے کے لئے گابا سے سیریز کا آغاز کرے گا، کپتان مصباح الحق کو گلابی گیند اور کنڈیشنز کی فکر ستانے لگی کہ وکٹ کیسی ہوگی۔

کیوریٹر کیون مچل کا کہنا ہے کہ وکٹ پر گھاس ہے، فاسٹ بولرز اس سے فائدہ اٹھاسکتے ہیں، برسبین میں گلابی گیند زیادہ سوئنگ ہونے کا امکان ہے۔ مصنوعی روشنی میں بیٹسمینوں کو کھیلنے میں کچھ مشکلات ہوسکتی ہیں۔

پاکستانی بالر یاسر شاہ فٹ ہوگئے ہیں۔ وہ بھی اہم ہتھیار ہوں گے، بیٹنگ میں مصباح الحق، اظہر علی اور یونس خان پر پرفارمنس کیلئے دباؤ ہوگا، ایکشن سے بھرپور پہلا ٹیسٹ میچ پاکستانی وقت کے مطابق جمعرات کی صبح آٹھ بجے شروع ہوگا۔

واجح طویل فارمیٹ میں آسٹریلیا کو پاکستان پر واضح برتری حاصل ہے، آسٹریلیا انیس سو اٹھاسی کے بعد سے اس گراؤنڈ میں ناقابل شکست ہے۔

پاکستان اور آسٹریلیا کے درمیان مجموعی طور پر انسٹھ ٹیسٹ میچز کھیلے جاچکے ہیں، میزبان ٹیم نے اٹھائیس میچز جیتے، چودہ شاہینوں کے نام رہے، سترہ ڈرا ہوئے، پاکستان نے طویل فارمیٹ میں آسٹریلیا کے خلاف آخری کامیابی دو سال قبل یو اے ای میں حاصل کی تھی جبکہ آسٹریلیا کی سرزمین پر پاکستان کو فتح حاصل ہوئے دو دہائیاں بیت چکی ہیں۔

Print Friendly, PDF & Email

Comments

comments

یہ بھی پڑھیں