The news is by your side.

Advertisement

کرکٹ ورلڈکپ 2019: آسٹریلیا اوربنگلادیش آج مدمقابل ہوں گے

ناٹنگھم : آئی سی سی ورلڈکپ 2019 میں مقابلوں کا سلسلہ جاری ہے، آج بنگلہ دیش اور آسٹریلیا کے درمیان ٹاکرا ہوگا۔

تفصیلات کے مطابق نانٹگھم کے ٹرینٹ گراؤنڈ میں آج بنگلہ دیش اور آسٹریلیا کی ٹیمیں آمنے سامنے ہوں گی، میچ پاکستانی وقت کے مطابق دوپہرڈھائی بجے شروع ہوگا۔

ایونٹ میں دونوں ٹیمیں اب تک پانچ میچز کھیل چکی ہیں، بنگلہ دیش کو پانچ میچوں میں سے 2 میں کامیابی اور 2 میں ناکامی کا سامنا کرنا پڑا جبکہ ایک میچ بارش کے باعث منسوخ ہوگیا۔

آسٹریلیا نے اب تک ایونٹ میں پانچ میچز کھیلے ہیں جن میں سے چار میں کامیابی اور ایک میچ میں اسے شکست کا سامنا کرنا پڑا۔

پوائنٹ اسکورنگ ٹیبل پر اس وقت آسٹریلیا تیسرے جبکہ بنگلہ دیش پانچویں نمبر پر ہے۔ پاکستان نویں اور افغانستان کی ٹیم دسویں نمبر پر ہے۔

واضح رہے کہ آئی سی سی ورلڈکپ کے لیے 10 ٹیمیں ایونٹ میں حصہ لے رہی ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔

ایونٹ میں دفاعی چیمپیئن آسٹریلیا، بھارت، پاکستان، انگلینڈ، نیوزی لینڈ، جنوبی افریقہ، ویسٹ انڈیز، بنگلہ دیش، سری لنکا اور افغانستان شامل ہیں۔

آئی سی سی ورلڈکپ کے ایونٹ میں 48 میچز کھیلے جائیں گے، فائنل اور سیمی فائنل سے قبل تمام ٹیمیں 9،9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی، 14 جولائی کو فائنل کھیلا جائے گا۔

Comments

comments

یہ بھی پڑھیں