پالی کیلے ٹیسٹ: سری لنکا کی 17 سال بعد آسٹریلیا کو 106 رنز سے شکست -
The news is by your side.

Advertisement

پالی کیلے ٹیسٹ: سری لنکا کی 17 سال بعد آسٹریلیا کو 106 رنز سے شکست

پالی کیلے : سری لنکا نے پالی کیلے ٹیسٹ میچ میں آسٹریلیا کو 106 رنز سے شکست دے کرتاریخ رقم کردی۔ سری لنکا نےسترہ سال بعد آسٹریلیا کیخلاف ٹیسٹ میچ جیتا۔ ایک سو چھ رنزسےکامیابی نےسری لنکاکوتین میچوں کی سیریزمیں برتری دلوادی۔

تفصیلات کے مطابق میچ کے آخری دن آسٹریلیا کو میچ جیتنے کیلئے 185رنز درکار تھے جبکہ اس کی سات وکٹیں باقی تھیں لیکن اس کے بلے باز ہیراتھ اور سنداکن کی گیندوں کا سامنا کرنے میں ناکام رہے اور پوری ٹیم 161رنز بنا کر پویلین واپس لوٹ گئی۔

پالی کیلے ٹیسٹ کے پانچویں اور آخری روز آسٹریلیا نے دوسری نامکمل اننگز شروع کی تو تیرہ رنز کے اضافے کے بعد آسٹریلیا کی چوتھی وکٹ گرگئی۔

کپتان اسٹیون اسمتھ اور شان مارش نے سری لنکن بولرز کے سامنے کچھ مزاحمت کی تاہم وہ بھی رنگانا ہیراتھ کی گھومتی گیندوں کا سامنے ڈھیر ہوگئے۔

اسمتھ پچپن اور مارش پچیس رنزبناکر پویلین لوٹے۔ آسٹریلیا کی پوری ٹیم صرف ایک سو اکسٹھ رنز پر ڈھیر ہوگئی۔ رنگانا ہیراتھ نے میچ میں نو وکٹیں حاصل کیں۔ کوشل مینڈس کوایک سو چھتیر رنز کی اننگزکھیلنے پرمیچ کابہترین کھلاڑی قرار دیا گیا۔

یاد رہے کہ یہ سری لنکا کی 27ٹیسٹو ں میں آسٹریلیا کیخلاف دوسری فتح ہے۔دونوں ٹیموں میں دوسرا ٹیسٹ4اگست سے گال میں شروع ہوگا۔

 

Comments

comments

یہ بھی پڑھیں