The news is by your side.

Advertisement

آسٹریلیا کے ائیرچیف مارشل کی آرمی چیف قمرباجوہ سے ملاقات

راولپنڈی : چیف آف آرمی اسٹاف جنرل قمر جاوید باجوہ سے آسٹریلیا کے چیف آف ڈیفنس فورسز ائیر چیف مارشل مارک بنسکن نے ملاقات کی۔

پاک فوج کے شعبہ تعلقات عامہ آئی ایس پی آر کے مطابق آسٹریلیا کے چیف آف ڈیفنس فورسز ائیر چیف مارشل مارک بنسکن نے جنرل ہیڈ کوارٹر (جی ایچ کیو) کا دورہ کیا، ان کی آمد پر پاک فوج کی جانب سے شاندار استقبال کرتے ہوئے معزز مہمان کو گارڈ آف آنر پیش کیا گیا۔

اس موقع پر ائیر چیف مارشل مارک بنسکن نے یاد گار شہداء پر پھول چڑھائے، سلامی پیش کی اور دعائیہ کلمات ادا کیے، بعد ازاں انہوں نے چیف آف آرمی سٹاف جنرل قمرجاوید باجوہ سے ون آن ون ملاقات کی۔

ملاقات میں خطے کی سیکیورٹی صورتحال اور دفاعی تعاون سمیت باہمی دلچسپی کے امور پرتبادلہ خیال کیا گیا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔ 

Comments

comments

یہ بھی پڑھیں