برسبین: آسڑیلوی جوڑے کے کمرے سے خطرناک زہریلا سانپ برآمد ہوا جسے دیکھ کر سب حیران رہ گئے۔
تفصیلات کے مطابق سانپ دیکھ کر ہر شخص خوف زدہ ہوجاتا ہے اگر کبھی آپ کمرے میں داخل ہوں اور اندر بڑا زیریلا سانپ نظر آجائے تو آپ کی کیفیت کیا ہو گی۔
اسی طرح کی صورتحال کا سامنا آسٹریلوی جوڑے کو ایک نجی ہوٹل میں کرنا پڑا، چھٹیاں گزانے کے لیے نجی ہوٹل میں قیام پذیر تھے کہ رات کے وقت انہوں نے کمرے میں سانپ کی موجودگی کا احساس ہوا۔
کمرے کی لائٹ کھلنے کے بعد جس سانپ کا احساس اس جوڑے کو ہورہا تھا وہ اب ان کے سامنے بیڈ کے بالکل نیچے موجود تھا، جس کے بعد دونوں میاں بیوی کے اوسان خطاء ہوگئے۔
مرد نے ہمت کرتے ہوئے ہوٹل انتظامیہ کو تمام تر صورتحال سے آگاہ کیا جس کے بعد انہوں نے سانپ پکڑنے والے ماہرین کو طلب کیا اور کمرے سے بڑے سانپ کو کامیابی سے پکڑ لیا گیا۔
سانپ پکڑنے والے ماہرین کا کہنا ہے کہ یہ دنیا کے زہریلے ترین سانپوں میں سے ایک ہے جس کی نسل ایشیائی ممالک میں پائی جاتی ہے، یہ انسانوں کو ویسے نقصان نہیں پہنچاتا تاہم تنگ کرنے پر کاٹ لیتے ہے اور اس کا زہر تیزی سے سرایت کرتا ہے۔
