The news is by your side.

Advertisement

پاکستانی نژاد آسٹریلوی کرکٹر کی منگیتر نے اسلام قبول کرنے کی وجہ بتا دی

سڈنی: پاکستانی نژاد آسٹریلون کرکٹر عثمان خواجہ کی منگتیر نے اسلام قبول کرنے کا ببانگِ دہل اعلان کرتے ہوئے کہا ہے کہ پہلے میں مسلمانوں کو دہشت گرد سمجھتی تھی مگر جب اسلامی تعلیمات پڑھیں تو اصل حقیقت سامنے آئی اور پھر مسلمان ہوگئی۔

تفصیلات کے مطابق پاکستانی نژاد آسٹریلوی کرکٹر عثمان خواجہ کی ہونے والی 22 سالہ اہلیہ رچل میکلین نے اسلام قبول کرنے کی وجہ بیان کرتے ہوئے کہا کہ مسلمان ہونے کے لیے مجھ پر کوئی دباؤ نہیں تھا بلکہ اپنی خوشی سے اسلام قبول کیا۔

پاکستانی نژاد آسٹریلوی کرکٹر کی نوجوان منگیتر نے نجی ٹی وی کے ایک پروگرام میں گفتگو کرتے ہوئے کہا کہ ’جب میرے عثمان خواجہ سے تعلقات شروع ہوئے تو لوگوں مسلمان ہونے کی وجہ سے ہمارے رشتے کو تنقید کا نشانہ بنایا جبکہ اس دوران میرے بھی مسلمانوں کے بارے میں تاثرات کچھ اچھے نہیں تھے اور میں انہیں دہشت گرد سمجھتی تھی‘۔

مسلمانوں کے بارے میں تاثرات کچھ اچھے نہیں تھے اور میں انہیں دہشت گرد سمجھتی تھی

رچل میکلین

رچل کا کہنا تھا کہ میڈیا ہر جس طرح مسلمانوں کا چہرہ پیش کیا جاتا تھا مجھے بھی وہی سب کچھ سچ لگتا تھا تاہم عثمان میری زندگی میں آئے اور انہوں نے تمام تر حقیقت سے آگاہ کرتے ہوئے مسلمانوں کے خلاف ہونے والے پروپیگنڈے کے بارے میں تفصیلی آگاہ کیا جس کے بعد میں نے خود سے تحقیق شروع کی۔

اُن کا کہنا تھا کہ عثمان پہلے مسلمان ہیں جو میری زندگی میں شامل ہوئے، ابتدائی ایام میں تو مسلمان ہونے کی وجہ سے میں نے انہیں نظر انداز کیا تاہم کچھ عرصے بعد ہم دونوں ایک دوسرے کی محبت میں گرفتار ہوگئے اور اب ہم اپریل میں شادی کرنے جارہے ہیں۔

رچل میکلین کا مزید کہنا تھا کہ ’عثمان یا پھر اُن کے خاندان نے شادی کے لیے مسلمان ہونے کی کوئی شرط نہیں رکھی کیونکہ وہ دیگر مذاہب کا دل سے احترام کرتے ہیں، شرعی تعلیمات کا مطالعہ کرنے کے بعد میں نے خود ہی اسلام قبول کرنے کا فیصلہ کیا‘۔

پاکستانی نژاد کرکٹر کا کہنا تھا کہ ’ہمارے رشتے کی وجہ سے لوگوں نے مجھے بھی بہت تنقید کا نشانہ بنایا مگر میں نے تمام تر اختیار رچل پر چھوڑ دیا تھا کہ وہ مسلمان ہونے یا نہ ہونا کا فیصلہ حقائق کو سامنے رکھتے ہوئے کرے۔

یہ بھی پڑھیں: بھارتی ادکارہ دپیکا نے اسلام قبول کرلیا

اکتیس سالہ عثمان خواجہ اور 22 برس کی رچل میکلین رواں برس اپریل کے ماہ میں ازدواجی بندھن میں بندھ جائیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشلمیڈیا پرشیئر کریں۔

Comments

comments

یہ بھی پڑھیں