The news is by your side.

Advertisement

ایک اور آسٹریلوی کھلاڑی دورہ پاکستان سے باہر

سڈنی: دورہ پاکستان سے قبل آسٹریلیا مشکلات کا شکار ہوگئی، جارح مزاج بیٹر گلین میکسویل کے بعد ایک اور کھلاڑی پاکستان کے دورے سے دستبردار ہوگئے۔

غیر ملکی میڈیا رپورٹ کے مطابق آسٹریلوی فاسٹ بولر مائیکل نیسر انجری کے باعث دورہ پاکستان سے باہر ہوگئے، فاسٹ بولر پاکستان کا دورہ کرنے والی اٹھارہ رکنی آسٹریلوی ٹیم کا حصہ تھے۔

کوئنز لینڈ کے کوچ ویڈ سیکومب نے تصدیق کی کہ بلز مارش کپ میں نیو ساؤتھ ویلز کے درمیان ہونے والے میچ میں نیسر کو سائیڈ اسٹرین کا سامنا کرنا پڑا تھا۔

مائیکل نیسر کی جگہ کوئنز لینڈ کے فاسٹ بولر مارک اسٹیکٹی کو اسکواڈمیں شامل کیا گیا ہے۔

اس سے قبل گذشتہ روز آسٹریلوی کرکٹ ٹیم کے آل راؤنڈر گلین میکسویل دورہ پاکستان اور بھارتی لیگ سے دستبردار ہوئے جس کی وجہ سے ان کی شادی بتائی گئی ہے جبکہ دو روز قبل سری لنکا کے خلاف ٹی ٹوئنٹی میچ میں باؤنڈری پر کیچ لینے کی کوشش میں اسٹیو اسمتھ کنکشن کا شکار ہوئے تھے جس کے باعث ان کا دورہ پاکستان خدشات کا شکار ہے۔

یاد رہے کہ آسٹریلیا کرکٹ ٹیم 24 برس بعد پاکستان کا دورہ کر رہی ہے، دورے میں 3 ٹیسٹ، 3 ون ڈے پر مشتمل سیریز کھیلی جائے گی جبکہ 1 ٹی ٹوئنٹی بھی دورے میں شیڈول ہے۔

یہ بھی پڑھیں: آسٹریلوی آل راؤنڈر دورہ پاکستان سے دستبردار

تین ٹیسٹ میچز کی سیریز کا پہلا ٹیسٹ 4 مارچ سے راولپنڈی میں کھیلا جائے گا جبکہ دوسرا ٹیسٹ 12 تا 16 مارچ کراچی میں ہوگا اور تیسرا اور آخری ٹیسٹ 21 مارچ تا 25 مارچ لاہور میں ہوگا۔

اسی طرح ون ڈے سیریز کا پہلا میچ 29 مارچ، دوسرا 31 مارچ اور تیسرا 2 اپریل کو کھیلا جائےگا ون ڈے سیریز کے تمام میچز راولپنڈی میں کھیلے جائیں گے۔

آسٹریلیا کے دورہ پاکستان کے دوران ٹیسٹ و ونڈے سیریز کے بعد ایک ٹی ٹوئنٹی میچ بھی کھیلا جانا ہے جو 5 اپریل کو راولپنڈی میں ہی کھیلا جائے گا۔

Comments

یہ بھی پڑھیں