اسرائیلی جارحیت کا شکار غزہ کے مظلوم شہریوں کے لیے دنیا آواز اٹھا رہی ہے امداد کے لیے آسٹریلیا کی فٹبال ٹیم بھی میدان میں آ گئی ہے۔
غزہ پر اسرائیلی کی جارحیت کو ڈیڑھ ماہ ہو چکا ہے۔ تاریخ انسانی میں قابض صہیونی ریاست کے مظالم نے اس کا مکروہ چہرہ ایک بار پھر بے نقاب کر دیا ہے۔ ہزاروں مظلوم فلسطینیوں کی شہادت پر دنیا سراپا احتجاج ہے اس موقع پر آسٹریلیا کی فٹبال ٹیم بھی میدان میں آ گئی ہے۔
آسٹریلوی فٹبال ٹیم نے فلسطین کے ساتھ ہونے والے اپنے ورلڈ کپ کوالیفائر میچ کی فیس غزہ کے مظلوم عوام کو عطیہ کرنے کا اعلان کردیا ہے۔ کھلاڑی اپنی میچ فیس کا حصہ انسانی بنیادوں پر غزہ کے عوام تک پہنچائیں گے۔
- Advertisement -
کھلاڑیوں کے بعد فٹبال آسٹریلیا بھی اتنی ہی رقم عطیہ کرنے کا اعلان کیا ہے۔
واضح رہے کہ آسٹریلیا اور فلسطین کا ورلڈ کپ کوالیفائر میچ منگل کو شیڈول ہے۔
