The news is by your side.

Advertisement

‘پاکستان سے اچھی اور خوشگوار یادیں لے کر جائیں گے’

آسٹریلین کوچ اینڈریو میکڈونلڈ نے کہا ہے کہ پاکستان کا ٹور ہر لحاظ سے بہترین رہا اور پاکستان سے اچھی اور خوشگوار یادیں لے کر جائیں گے۔

دورہ پاکستان کیلیے آنے والی آسٹریلین کرکٹ ٹیم کے کوچ اینڈریو میکڈونلڈ نے کہا ہے کہ طویل عرصے بعد پاکستان آکر بہت خوشی ہے، پاکستان کا ٹور ہر لحاظ سے بہترین رہا۔

آسٹریلین کوچ نے ویڈیو لنک کانفرنس کرتے ہوئے کہا کہ پاکستانی شائقین نے جس طرح خوش آمدید کہا اسے یاد رکھیں گے اور پاکستان سے اچھی اور خوشگوار یادیں ساتھ لے کر جائیں گے۔

اینڈریو میکڈونلڈ کا کہنا تھا کہ پاکستانی ٹیم کو ان کی اپنی کنڈیشنز میں شکست دینا آسان نہیں تھا، پاکستان کےخلاف ٹیسٹ سیریز جیتنے کی بے حد خوشی ہے تاہم ون ڈے سیریز میں پاکستان نے شاندار کرکٹ کھیلی۔

واضح رہے کہ آسٹریلیا نے 24 سال کے طویل عرصے بعد پاکستان کا دورہ کیا تھا، تین ٹیسٹ میچوں پر مشتمل سیریز آسٹریلیا نے ایک صفر سے جیتی تاہم تین ون ڈے میچوں کی سیریز پاکستان نے دو ایک سے اپنے نام کی اور بیس سال بعد آسٹریلیا سے ون ڈے سیریز جیتنے کا اعزاز حاصل کیا۔

مزید پڑھیں: پاکستان نے 20 سال بعد آسٹریلیا سے ون ڈے سیریز جیت لی

آسٹریلیا کے طویل دورے کا اختتام کل دورے کے واحد ٹی ٹوئنٹی میچ سے ہوگا۔

Comments

یہ بھی پڑھیں