سڈنی : آسٹریلوی خاتون نے گاڑی کی دھندلی ہیڈلائٹس کو بغیر پیسے خرچ کیے صاف کرنے کا طریقہ بتادیا۔
گاڑی رکھنے والا ہر دوسرا اگلی لائٹوں کے پیلے پن سے پریشان نظر آتا ہے اور گاڑی کی ہیڈلائٹس اگر دھندلا جائیں تو حادثے کے امکانات بھی بڑھ جاتے ہیں لیکن خطرے کے باوجود گاڑی مالکان ہیڈلائٹس تبدیل نہیں کرواتے۔
ہیڈلائٹس پیلی پڑجانے کے باوجود تبدیل نہ کروانے کی بڑی وجہ مہنگائی ہے اور دونوں ہیڈلائٹس کی تبدیلی جیب پر کافی بھاری پڑجاتی ہے لیکن اب پریشان ہونے کی ضرورت نہیں کیونکہ آسٹریلوی خاتون نے بغیر پیسے خرچ ہیڈلائٹس پھر سے نئی کرنے کا آسان طریقہ بتا دیا ہے۔
لیونی نامی خاتون نے گھر میں موجود توتھ پیسٹ اور کھانے کا سوڈا استعمال کرکے کیسے اگلی لائٹوں کو صاف کیا جاتا ہے۔
سوشل میڈیا پر شیئر کی گئی ویڈیو میں خاتون نے بتایا کہ گھر میں رکھے توتھ پیسٹ اور کھانے کو سوڈے کو ملاکر اپنی گاڑی کی ہیڈلائٹس پر لگائیں اور تھوڑی سی مشقت کرکے اسے کچھ دیر تک رگڑیں اس کے بعد صفائی کے مواد کو ٹشو پیپر کی مدد سے صاف کردیں، ہیڈلائٹس بلکل نئی جیسی ہوجائیں گی۔
