The news is by your side.

Advertisement

گلین میکسویل سے ہار برداشت نہیں ہوئی، سرفراز سے ہاتھ نہیں ملایا

ہرارے: سہ ملکی ٹی ٹوئنٹی سیریز کے فائنل میچ میں آسٹریلوی آل راؤنڈر گلین میکسویل سے ہار برداشت نہیں ہوئی اور میچ کے اختتام پر سرفراز احمد سے ہاتھ ملائے بغیر آگے بڑھ گئے۔

تفصیلات کے مطابق سہ ملکی ٹی ٹوئنٹی سیریز کے فائنل میچ میں پاکستان نے آسٹریلیا کو چھ وکٹوں سے شکست دی میچ میں فخر زمان نے شاندار 91 رنز کی اننگز کھیل کر آسٹریلیا کی جیت کا خواب چکنا چور کردیا۔

گلین میکسویل نے میچ کے پہلے ہی اوور میں صاحبزادہ فرحان اور حسین طلعت کی وکٹیں لے کر آسٹریلیا کی جیت کی بنیاد رکھ دی تھی لیکن فخر اور شعیب ملک نے اسے ناکام بنادیا۔

میچ کا اختتام جب پاکستان کی جیت پر ہوا تو آسٹریلوی آل راؤنڈر گلین میکسویل نے ساتھی کھلاڑی سے ہاتھ ملایا لیکن قومی ٹیم کے کپتان سرفراز احمد سے ہاتھ ملائے بغیر آگے بڑھ گئے۔

سوشل میڈیا پر گلین میکسویل کی اس حرکت پر انہیں شدید تنقید کا نشانہ بنایا جارہا ہے، مداحوں کا کہنا ہے کہ میکسویل کو اسپورٹس مین اسپرٹ کا مظاہرہ کرتے ہوئے سرفراز احمد سے ہاتھ ملانا چاہئے تھا ہار جیت کھیل کا حصہ ہے۔

قبل ازیں سیریز جیتنے پر کپتان سرفراز احمد کا کہنا ہے کہ فائنل کی جیت کا کریڈٹ ہمارے بالرز اور بالخصوص فخر زمان اور شعیب ملک کی شاندار کارکردگی کو جاتا ہے۔

خیال رہے کہ اوپنر بلے باز فخر زمان کو فائنل میچ میں عمدہ کارکردگی پر میچ کا بہترین کھلاڑی قرار دیا گیا تھا جبکہ مین آف دی سیریز کا ایوارڈ بھی فخر زمان لے اُڑے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں