ایڈیلیڈ: کینگروز نے افغان ٹیم کو 4 رنز سے شکست دے دی، فتح کے باوجود آسٹریلیا کی سیمی فائنل تک رسائی خطرے میں ہے۔
راشد خان کی 48رنز کی دھواں دھار اننگز بھی اپنی ٹیم کو فتح سے ہمکنار نہ کراسکی، آسٹریلیا کی جانب سے ایڈیم زامپا اور جوش ہیزل ووڈ نے2،2شکار کیے۔
تفصیلات کے مطابق ایڈیلیڈ میں کھیلے جارہے ٹی ٹوئنٹی گروپ ٹو کے میچ میں آسٹریلیا نے سنسنی خیز مقابلے کے بعد افغانستان کو 4 رنز سے شکست دے دی۔
اس سے قبل آسٹریلیا نے پہلے بیٹنگ کرتے ہوئے 8 وکٹوں پر 168رنز اسکور کیے، گلین میکس ویل نے54،مارش نے45رنزاسکورکیے، افغانستان کی جانب سے نوین الحق نے 3، فضل الحق فاروقی نے 2 جبکہ راشد خان نے ایک وکٹ حاصل کی۔
یہ بھی پڑھیں: ٹی 20 ورلڈ کپ اختتام کی جانب گامزن، 8 ٹیموں کیلیے ٹورنامنٹ اب بھی اوپ
افغانستان سے فتح کے باوجود آسٹریلیا کی سیمی فائنل تک رسائی خطرے میں ہے، دفاعی چیمپئن 7 پوائنٹس کے ساتھ دوسرے نمبر پر ہے۔
کل انگلینڈ اور سری لنکا کے درمیان اہم ترین میچ کھیلا جائے گا، انگلش ٹیم آئی لینڈرز کو زیر کرنے میں کامیاب رہی تو آسٹریلیا ٹی ٹوئنٹی ورلڈکپ سے باہر ہوجائے گا۔