The news is by your side.

Advertisement

آٹزم وہ بیماری جس کا علاج تاحال دریافت نہ ہوسکا

آج دنیا بھر میں اعصابی بیماری آٹزم سے آگاہی کا دن منایا جاتا ہے۔ آٹزم سے متاثرہ بچوں میں بولنے، سمجھنے، سیکھنے کی صلاحیتیں متاثر ہوتی ہیں۔ تاحال اس مرض کا علاج یا بیماری کے اسباب ماہرین تاحال دریافت نہیں کر سکے۔

آٹزم کا شکار ہونے والے افراد کسی اہم موضوع یا بحث میں کسی خاص نکتے پر اپنی توجہ مرکوز نہیں کر پاتے اور اپنے جذبات اور احساسات کا اظہار کرنے میں بھی مشکلات کا شکار ہوتے ہیں، حتیٰ کہ انہیں دوسروں کے جذبات سمجھنے میں بھی دشواری کا سامنا ہوتا ہے۔

ماہرین کے مطابق آٹزم کا شکار افراد کو بات چیت کرنے، زبان سمجھنے اور استعمال کرنے میں دشواری، لوگوں کے ساتھ سماجی تعلقات استوار کرنے اور اپنے رویے اور تخیلات کو استعمال کرنے میں دشواری پیش آتی ہے۔

امریکا کے سرکاری اعداد و شمار کے مطابق اسکول جانے والے 59 بچوں میں سے ایک بچہ آٹزم میں مبتلا ہے۔

ماہرین کا کہنا ہے کہ ایک تحقیق سے پتہ چلا کہ وہ افراد جو 50 سال کی عمر مں باپ بنے ان کے ہاں پیدا ہونے والے بچوں میں آٹزم کا خطرہ بڑھ جاتا ہے اور پھر یہ سلسلہ نسل در نسل چلتا رہتا ہے۔

ماہرین اس مرض کے حتمی نتائج اور علاج دریافت نہیں کرسکے۔ آٹزم کا شکار افراد دوسروں سے الگ تھلگ اور تنہا رہنا پسند کرتے ہیں تاہم کچھ کو دوسروں کے تعاون کی ضرورت ہوتی ہے کیونکہ وہ اکیلے زندگی نہیں گزار سکتے۔

بچے کی یہ حرکات اس میں آٹزم کی نشاندہی کرتی ہیں

ماہرین کا کہنا ہے کہ کسی بچے کی نہایت کم عمری میں ہی اس میں آٹزم کا سراغ لگایا جاسکتا ہے، ایسے بچے بظاہر نارمل اور صحت مند دکھائی دیتے ہیں تاہم ان کی کچھ عادات ان کے آٹزم میں مبتلا ہونے کی نشاندہی کرتی ہیں۔ وہ عادات یہ ہیں۔

بار بار مٹھی کھولنا اور بند کرنا: یہ آٹزم کی نہایت واضح نشانی ہے۔

اکثر پنجوں کے بل چلنا

اپنے سر کو کسی چیز سے مستقل ٹکرانا: کوئی بھی کام کرتے ہوئے یہ بچے اپنے سر کو کسی سطح سے مستقل ٹکراتے ہیں۔

لوگوں کے درمیان یا اجنبی جگہ پر مستقل روتے رہنا اور غیر آرام دہ محسوس کرنا

اپنے سامنے رکھے پانی یا دودھ کو ایک سے دوسرے برتن میں منتقل کرنا

بہت زیادہ شدت پسند اور ضدی ہوجانا

آوازوں پر یا خود سے کی جانے والی باتوں پر دھیان نہ دے پانا: ایسے موقع پر یوں لگتا ہے جیسے بچے کو کچھ سنائی ہی نہیں دے رہا۔

نظریں نہ ملا پانا: ایسے بچے کسی سے آئی کانٹیکٹ نہیں بنا پاتے۔

بولنے اور بات کرنے میں مشکل ہونا

کسی کھانے یا کسی مخصوص رنگ کے کپڑے سے مشکل کا شکار ہونا: ایسے بچے اکثر اوقات کپڑے پہنتے ہوئے الجھن کا شکار ہوجاتے ہیں کیونکہ کپڑے کے اندرونی دھاگے انہیں بے چینی میں مبتلا کردیتے ہیں۔ اسی وجہ سے یہ بچے نظر بچا کر کپڑوں کو الٹا کر کے بھی پہن لیتے ہیں۔

10 Early Signs of Autism.

10 Early Signs of Autism.

Posted by Daily medicine on Monday, 14 January 2019

Comments

یہ بھی پڑھیں